影片
更多
2023-07-18
475 浏览
❀ Whey #中環 ❀❗️新加坡特色米芝蓮一星餐廳❗️——————————————————朋友生日，挑選咗呢間米芝蓮一星餐廳，果然冇令我失望🥳一聽到佢係新加坡x北歐菜咁嶄新嘅配搭已經決意要品嚐，原來仲係同另一米芝蓮韓國餐廳Hansik Goo係同一集團。每一個菜都幾精緻又富有新意😆味道偏濃郁惹味，好啱我口味💕餐廳裝修簡約，服務舒適體貼☺️.☞ Dinner Tasting Menu $1450♥ Amuse Bouche 先有兩款歡迎小菜🥗分別為帆立貝撻、迷你冬甩。帆立貝口感軟腍，底下係一粒粒仿魚子，爆開散發出Wasabi、酸酸地嘅味道👍🏻另外迷你冬甩入面就包住吞拿魚蓉、仲有少少辣椒🌶️兩個一口小食雖然細細粒，但都非常香口。.♥ Sweet Shrimp呢個係我最喜歡嘅菜式💓軟滑嘅甜蝦喺一片煙霧彌漫當中呈現，美感滿滿😍旁邊仲有接近一半嘅魚子醬，能夠大大提升甜蝦嘅鮮味✨最出色係底下嘅布甸，居然混入咗喇沙香料，好惹味，再配上citrus啫喱，有齊晒甜酸苦辣，層次非常豐富👏🏻.♥ Bluefin Tuna跟住係藍鯨吞拿魚刺身，廚師將其切粒。然後加上椰子糖、炸蝦醬等較為濃味嘅調味，再用較清新嘅紫蘿蔔
❗️新加坡特色米芝蓮一星餐廳❗️
——————————————————
朋友生日，挑選咗呢間米芝蓮一星餐廳，果然冇令我失望🥳一聽到佢係新加坡x北歐菜咁嶄新嘅配搭已經決意要品嚐，原來仲係同另一米芝蓮韓國餐廳Hansik Goo係同一集團。每一個菜都幾精緻又富有新意😆味道偏濃郁惹味，好啱我口味💕餐廳裝修簡約，服務舒適體貼☺️
.
☞ Dinner Tasting Menu $1450
♥ Amuse Bouche
先有兩款歡迎小菜🥗分別為帆立貝撻、迷你冬甩。
帆立貝口感軟腍，底下係一粒粒仿魚子，爆開散發出Wasabi、酸酸地嘅味道👍🏻另外迷你冬甩入面就包住吞拿魚蓉、仲有少少辣椒🌶️
兩個一口小食雖然細細粒，但都非常香口。
17 浏览
0 赞好
0 留言
.
♥ Sweet Shrimp
呢個係我最喜歡嘅菜式💓
軟滑嘅甜蝦喺一片煙霧彌漫當中呈現，美感滿滿😍
旁邊仲有接近一半嘅魚子醬，能夠大大提升甜蝦嘅鮮味✨
最出色係底下嘅布甸，居然混入咗喇沙香料，好惹味，再配上citrus啫喱，有齊晒甜酸苦辣，層次非常豐富👏🏻
31 浏览
0 赞好
0 留言
.
♥ Bluefin Tuna
跟住係藍鯨吞拿魚刺身，廚師將其切粒。
然後加上椰子糖、炸蝦醬等較為濃味嘅調味，再用較清新嘅紫蘿蔔、菊花平衡返👌🏻
14 浏览
0 赞好
0 留言
.
♥ Whey’s brioche
之後喺餐廳嘅招牌麵包🥐
用上新加坡特產黑果製成，再配上自家製嘅牛油🧈
口感非常鬆軟，神奇地散發少許菇嘅香氣，幾特別。
建議可以預留少少嚟點之後菜式嘅醬汁。
32 浏览
0 赞好
0 留言
.
♥ Threadfish Fish
非常出色嘅炭燒馬友🐟外皮焦香脆口，肉質少許紮實但絕不鞋口。
配以檸檬汁、椰子脆片同參巴醬調味。
伴以細滑薯蓉，仲用上魚湯去熬製，味道豐富😚
65 浏览
0 赞好
0 留言
.
♥ King Crab +$398
全晚相對失望反而係呢道要加錢嘅皇帝蟹🦀
雖然用上名貴食材如皇帝蟹、北海道海膽，但入口最主要得露筍口感🙈
醬汁用上熬製嘅慕絲，加埋新加坡assam sauce，反而有浸媽咪麵嘅味。。
18 浏览
1 赞好
0 留言
.
♥ Local Three-Yellow Chicken Rice
終於嚟到主菜，新加坡當然唔少得海南雞飯，呢個絕對係昇華版✨
用上名貴三黃雞製作海南雞飯🐔表皮香脆，口感更滑溜。
再配頗考手工嘅精緻雞卷、雞心、雞腎。
仲可以撈埋旁邊嘅糯米飯一齊食，好滿足🥰
12 浏览
0 赞好
0 留言
.
♥ Dry Curry Mee
用上喇沙葉、菠菜自家製作麵條，口感彈牙，亦可以令喇沙味更突！
再淋上喇沙濃醬，散發住濃香嘅鹹鮮香氣。
旁邊嘅慢煮鮑魚係我食過最腍嘅💖
6 浏览
0 赞好
0 留言
.
♥ Kesum Sorbet
跟住有個清新嘅雪芭清一清口，用上馬來西亞嘅草本植物製作，酸酸甜甜，底下嘅泡沫仲有少少糯米味道🤩
16 浏览
0 赞好
0 留言
.
♥ Banana Tatin
55 浏览
0 赞好
0 留言
♥ Maoshan Wang Durian Icecream +$168
甜品有用香蕉堆砌嘅tatin，配上特色黑豆雪糕，朱古力泡芙。
不過招牌一定係魚子醬配榴槤雪糕😆
用上貓山王製作嘅雪糕非常香濃幼滑，加上魚子醬比想像中夾，值得一試。
24 浏览
0 赞好
0 留言
.
♥ Petite Four
最後係富有新加坡特色嘅petite four。
分別係加入咗蜜瓜嘅白朱古力 Pavlova、椰絲滿滿嘅斑斕糯米糍、杏仁朱古力😚
.
♥ Panna cheesecake
因為係朋友生日，餐廳仲特意送上咗斑斕巴斯克芝士蛋糕，斑斕味道突出，而且仲有少少煙靭嘅口感🤤
——————————————————
✨整體味道: 4.2/5
✨環境裝修: 4/5
✨服務態度: 4.1/5
✨性價比: 4/5
✨再訪興趣: 3.8/5
.
💞整體來講
欣賞餐廳創新地運用新加坡食材及味道製作出fine dining，充滿驚喜，尤其適合我呢啲鍾意重口味嘅人，推薦大家點都要試一次✨
张贴
