文華雞飯(新加坡)

营业中

休息中

其實，已經唔係第一次食係尖沙咀，反而投搬左來大角咀未食過。今日星期日一點來到，小店只有三四張枱有人，咁我地就係一張4人枱坐低，阿姐見我地得2 個人，就坐低時即刻同我地講一陣要搭枱，我口裏話OK。但心裏諗仲有大部份枱都係吉，真係咁急，而且阿姐態度唔算有禮貌，心裏有D 唔舒服。我當然明白小店要搭枱好正常，當我地見到好FULL都會明白。我地叫左二個餐，一個餐連肉骨茶＋菜要＄70,唔算太平，雞肉望落去份量只夠一人，雞肉算滑，但沒乜雞的香味同肉味，唯有點多D醬汁，配飯的雞湯味道，飲左一啖心裏面好失望，一D都唔係新加坡傳統的雞湯味道，沒左清淡的味道，反而似茶餐廳例湯。我地想試埋燒雞，叫左一份試，燒雞肉質同白雞一樣都算滑，但皮唔算係好香。肉骨茶，好濃味，但我沒特別喜愛也都唔知算唔算正宗，只覺得材料都算多。小店質素可以更好，比係係新加坡食的雞質素尚有一大段距離，但如果好想食又唔可以飛去新加坡食，係呢度都可以一解為食相思。