今和壽司 (已結業)

今次呢到呢間今和壽司，真係令我有意外驚喜，食物質素好高，而且價錢都幾抵，真係好過果d乜乜乜omakasas，尤其依家咁多冒牌日本師傅，呢d小型類似居酒屋style既日式餐廳，反而係更加食得過。環境方面，一d都唔馬虎，全店都用左木系既裝修，仲要係本人最鐘意既淺木色，入到黎已經好relax，環境乾淨企理，同朋友黎慢慢食一晚傾下計就最岩。食物方面，先講左最重要既壽司先喇，睇舊刺身外表有光澤，夠曬水潤，而且色澤都唔錯，仲係好鮮色，證明都幾新鮮。食落有少少果味，入口順滑，唔錯。另外，d飯既口感都唔錯，夠曬一粒粒，而且好有米香。最特別既係，佢仲有新創既壽司pizza，有大家最鐘意既香脆餅底，再配上鰻魚，口感好豐富多變，而餅底無乜調味，只取其口感，所以都唔會搶走左鰻魚既鮮味。