FLIPPER'S (已結業)

由於近排有太多梳乎厘班㦸嘅舖頭，個人認為已經到咗飽和嘅情況，而之前都有食過呢間日本過江嘅班㦸店，真係多人到要排兩個鐘左右先有位，上次食就覺得梳乎厘班㦸同個楓糖忌廉都好好食，所以就諗住再番回味，但係估唔到都仲有唔少人等位，所以我就打消咗堂食嘅念頭，準備搵其他野食，正當諗住走嘅時候，朋友發現有一款新出嘅外賣班㦸批，為咗一嚐呢到嘅班㦸，我就外賣咗兩個批番屋企食~兩層酥皮夾住迷你班㦸，因為你迷你班㦸嘅關係，厚度當然唔係好似梳乎厘班㦸咁厚啦，自然口感都係微實，而唔係空氣嘅口感。除咗有一片班㦸之外，中間仲有楓葉糖漿整成嘅吉士，令成個甜品味道甜甜，不過又唔會太甜~ 另外係吉士同班㦸之間，仲有落一啲杏仁碎，所以口感好豐富，又脆又軟。雖然有原味同檸芝士味，我都係鍾意食原味多啲，甜甜嘅楓葉糖漿味同班㦸真係好夾，缺一不可啊!