東城酒家 (已結業)

呢幾日天氣轉凍，最啱打邊爐，一大班friend想食飽啲，唔想就住就住， 最啱就係揀啲任飲任食嘅火鍋店 。之前有friend介紹呢間東城酒家 ，都係任飲任食 ，一於就試下。呢間酒樓位於順安邨 ，位置係比較隔涉 ，地鐵去唔到，因為佢嘅位置屬半山區，所以舖頭明顯係做番同村嘅客。湯底可以揀清湯麻辣， 沙嗲 ，或者鴛鴦鍋。 基本上我覺得湯底唔夠味， 如果下次去可以自備定一粒濃湯寶。火鍋配料嘅款式算係幾多，肉類丸類蔬菜類，應有盡有，而且佢仲有唔少熟食提供，老火湯同糖水都有供應，飲品有可口可樂，忌廉康師傅等等。以一百蚊鬆少少嘅價錢嚟講，真係好抵。不過食物質素就普通，基本上啲熟食你唔會考慮食，而火鍋最重要嘅肥牛，真係唔多掂，吉野家都好食過佢。唯一可取嘅係佢啲手打丸類，算係幾新鮮。全程任食兩小時，呢個質數呢個價錢，下次可以再回頭。