FLIPPER'S (已結業)

是日牛一，同好友食完個日本定食午餐一後，再去 Flipper‘s食個下午茶甜品，繼續慶祝 🤣！兩人分別叫咗士多啤梨藍莓香蕉同榛子朱古力焦糖香蕉班㦸。第一次食 Flipper’s嘅班㦸，係有空氣感、軟綿綿嘅，但蛋味唔係好濃同略嫌攤凍咗，士多啤梨嘅份量都幾多，但甜度不足，cream 嘅份量可以落多啲。反而個榛子朱古力焦糖香蕉班戟唔錯，從相可見到香蕉上嘅焦糖火候燒得又濃又脆，再加埋嗰個榛子朱古力醬同脆脆，吃落滿口都是濃濃嘅朱古力味，但又唔會好膩。飲嘢方面叫咗個香芒熱情果沙冰同冷壓橙汁。沙冰夠凍之餘又有好香嘅熱情果味，芒果肉又夠甜，至於果杯橙汁，不值一提，冇下次 😠。