影片
更多
2022-01-27
132 浏览
🏮素年 Friends of Years.住喺荃葵青嘅芝士妹一直都以為三陂坊只係有好多大排檔，誰不知係中間竟然有一間同周圍格格不入嘅文青素食店😱係見到好多人排隊之下，決定一試！.泰式香辣不可能肉碎意粉🍝($88)呢款意粉用咗impossible 嘅素肉肉碎，再加上指天椒、車厘茄，食落唔似食緊素，但係食開譚仔五小辣嘅芝士妹就覺得有啲辣，不過就係可以接受嘅範圍，但係食唔到辣嘅朋友仔就唔好亂試啦😂整體來講幾惹味，適合重口味嘅人士~~.不可能漢堡包🍔($128)對比起漢堡包，隔離嘅配菜番薯條🍠實在係出色太多，一向唔鍾意食番薯嘅芝士妹，竟然一口接一口咁食😂番薯條外脆內軟，有股微微嘅番薯甜味~~但係又唔會死甜，同外面嘅普通薯條好唔同！芝士妹下次去一定會再encore🤤而漢堡包入面嘅肉充滿肉汁，直情好似食緊肉咁，仲有好多火箭菜，係健康之選~.日式咖哩吉列豬扒意大利飯🍛($108)吉列豬扒所用嘅肉係OmniPork新豬肉，意大利飯口感濕潤，豬扒嘅口感亦十分像真，可惜分量較少，同不太能食出特別之處🤧.奇異果羽衣甘藍富士蘋果燕麥奶🥝🍎(跟餐$36)齋聽個名都feel到有幾健康😂飲落去有好豐富嘅蔬菜味，不太
.
住喺荃葵青嘅芝士妹一直都以為三陂坊只係有好多大排檔，誰不知係中間竟然有一間同周圍格格不入嘅文青素食店😱係見到好多人排隊之下，決定一試！
.
泰式香辣不可能肉碎意粉🍝($88)
呢款意粉用咗impossible 嘅素肉肉碎，再加上指天椒、車厘茄，食落唔似食緊素，但係食開譚仔五小辣嘅芝士妹就覺得有啲辣，不過就係可以接受嘅範圍，但係食唔到辣嘅朋友仔就唔好亂試啦😂整體來講幾惹味，適合重口味嘅人士~~
.
不可能漢堡包🍔($128)
對比起漢堡包，隔離嘅配菜番薯條🍠實在係出色太多，一向唔鍾意食番薯嘅芝士妹，竟然一口接一口咁食😂番薯條外脆內軟，有股微微嘅番薯甜味~~但係又唔會死甜，同外面嘅普通薯條好唔同！芝士妹下次去一定會再encore🤤而漢堡包入面嘅肉充滿肉汁，直情好似食緊肉咁，仲有好多火箭菜，係健康之選~
.
日式咖哩吉列豬扒意大利飯🍛($108)
吉列豬扒所用嘅肉係OmniPork新豬肉，意大利飯口感濕潤，豬扒嘅口感亦十分像真，可惜分量較少，同不太能食出特別之處🤧
.
奇異果羽衣甘藍富士蘋果燕麥奶🥝🍎(跟餐$36)
齋聽個名都feel到有幾健康😂飲落去有好豐富嘅蔬菜味，不太能飲到水果嘅味道，整體來講唔難飲，鍾意蔬菜味嘅朋友仔一定會好鍾意！
.
藍莓黑提子燕麥奶🫐🍇(跟餐$36)
唔鍾意蔬菜味，但又想飲健康嘢嘅朋友一定要試！飲落有種淡淡的藍莓乳酪味，非常容易入口，酸酸甜甜幾開胃🥰
.
要提醒大家想試嘅話要記得早一日book位，因為芝士妹第一次去嘅時候摸門釘，要等成兩個鐘😢 Book左位就可以唔使等位啦！
餐廳環境:🧀🧀🧀
食物質素:🧀🧀🧀🧀
素年 (荃灣)
荃灣三陂坊20號地舖
张贴