四季良晨 (新都城中心) (已結業)

自從喺將軍澳返工之後都多咗喺附近食飯，亦都發掘左好多唔錯嘅餐廳😘.⭐️鹽酥雞排滷肉飯呢個晚市套餐都幾抵，除咗主食仲包送咗一碗無花果雪梨燉瘦肉湯，個湯好足料，滿滿的精華，冬天飲就最啱！飯方面，我雞扒份量都算幾多，雞扒份量都算幾多，炸得好酥脆，保留到雞肉的嫩滑。滷肉入味，又唔會過於重口味😌！另外每一個煮食都可以最多加兩個$6小食 - 我就叫咗上湯浸時菜同埋紫菜湯😂.⭐️桂花雞翼呢個真係幾特別，桂花雞翼唔係用桂花去醃佢，而係分開咗一小碟嘅桂花汁，食嘅時候可以倒啲汁落去，感覺好清新，亦都中和左炸雞翼嘅油膩。雞翼嘅炸粉係同鹽酥雞扒一樣。.⭐️台灣烤香腸 我一直都好鍾意食台灣嘅小香腸，入邊甜甜地，食落好滋味。.⭐️古早味滷水拼盤入邊有牛展、牛肚、雞翼、同埋蛋，樣樣野都好入味，但係覺得有少少偏鹹😂.⭐️飲品Menu 嘅台式飲品都有好多，我哋就叫咗芝士奶蓋抹茶同埋水果茶，抹茶有少少淡，水果茶就好好多，入邊有好多生過，同埋成個感覺好清新，而且唔會太甜。