嚐品慕茶 (已結業)

店面嘅裝修偏向簡約，有小清新嘅風格，座位空間都相當大，坐得幾舒服！旁邊更有水墨畫嘅小展覽，藝術氣氛相當濃郁！適合喜歡拍照的朋友仔！點了「抹茶和風下午茶 = $258」，顧名思義呢個下午茶係以 抹茶為主，當中主要分別有鹹食同甜食，以及每人自選一杯抹茶飲品！甜食方面，「抹茶手工雪糕」的抹茶味相當濃郁，而且甜度適中，非常吸引👍🏽「抹茶芝士蛋糕」的外表像富士山，估唔到係芝士蛋糕，呢個芝士蛋糕比較硬身，抹茶味亦相當濃郁，甜而不膩，食完都唔會覺得好飽！「三色香玉」配上黑糖醬，煙煙銀銀，幾好食！甜食方面的整體都唔錯👍🏽鹹食方面，「抹茶冷麵」配上酸味味的汁，但因為太酸，所以食完一個就冇食！「素炸雞槌配抹茶芝士醬」，店家利用一層一層的腐皮捲成雞鎚的外型，鬆脆嘅外皮加上腐皮，意外地好味，亦非常創新，但小妹個人認為同抹茶芝士醬不太夾！「巴馬火腿哈密瓜卷」，令人非常失望，哈密瓜一睇就知道好唔新鮮（淋晒），火腿嘅份量亦非常少，感覺誠意欠奉！「日式照燒牛肉滑蛋三文治」，牛肉好鞋，滑蛋好乾，所以有啲失望！鹹食方面，整體認為比甜食差，令整體大打折扣！