堂記腸粉專門店 (已結業)

第一次來幫襯（上次星期六，人太多，費事等，沒幫襯），來到都係6點半度，原來堂記仲未開市，正想逛一個圈先，阿姐話差唔多得，不如坐低等等，都好，由尖咀行到來都有d倦，就坐吓睇陣餐牌先。嘩！乜得真係咁多介紹！利害！！兩公婆拿拿聲order一碟叉燒牛肉腸、一碟燒鴨腸、一碟炸兩，加一碗菜乾鴨腎豬骨粥。雖然只係剛開市，但係好快已經有人要等位，好彩自己早來，搵到個靚位可以慢慢嘆！同樣慢嘅係上菜，不過都情有可原嘅，因為腸粉係即拉架嘛！d腸粉的確又夠薄，又夠滑，豉油味道也適中，味道很不錯！燒鴨的肉香配腸粉的嫰滑，係唔錯！碗豬骨粥呢，就煲得幾入味，菜乾夠稔，豬骨夠多肉，有咬口，水準真的不錯！如果無胃口，想食碗粥送碟靚腸粉的話，呢度應該係個好選擇！