ATUM Restaurant (已結業)

今天約朋友去試吓K11 Art Mall 的 Atum, 本來諗住試好出名的下午茶套餐，因為太肚餓，改叫了兩個午餐。1）黃金大蝦·金蒜雞油菌意大利粉 （$138）成個presentation 好靚，有啲唔捨得食。碟意粉本身已經有五六隻蝦，滿滿鹹蛋香味，意粉比較淡口，混合鹹香味的大蝦，恰到好處。2）佛手柑三文魚．藕片脆片．糖醋漬紫椰菜 （$158）另一件藝術品上枱，佛手柑味道相當醒神，脆卜卜蓮藕片同三文魚口感成好大對比，紫椰菜亦都增添了不少色彩和味道。裝修比較industrial, 兩邊有街景，環境比較簡單，不算豪華，但食物相對較有驚喜，每一碟都係一件藝術品，視覺藝術和味覺享受都已回本。下次有機會一定要嚟試吓四百幾蚊兩位的那個下午茶拼盤，絕對會係相機食先系列之一。