神燈海鮮酒家 (亞太中心)

营业中

休息中

尖沙咀神燈海鮮酒家，整體水準好過銅鑼灣分店。🐑乳豬，皮鬆化，肉嫩口，上枱仲係暖嘅，已經加晒分。係個乳豬醬，相對坊間嘅比較鹹味重，掩蓋咗個甜味，有啲怪怪地，唔點醬仲好食。🐑辣酒煮花螺，汁底個玫瑰露酒味好香、好特出，香葉、八角味足，係唔夠辣啫，不過遷就大衆客人口味嚟講，辣度都OK嘅。螺係喺汁底直接生煮嘅，海鮮味有入到個汁入面，鮮味有所提升，唔錯喎。🐑啫啫芥蘭煲，煲夠熱，汁水夠少，絕對啫得起，蝦乾、蝦醬肉碎亦夠香口，可惜個芥蘭淥得太淋，爽番啲會啱我口味多啲。