神燈海鮮酒家 (亞太中心)

营业中

休息中

神燈海鮮酒家有第三間新分店喺尖沙咀，門口已經有店員幫手安排座位🕴🏻，原來黎緊8月份內午市點心系列一律8折。最出名係黑松露玻璃燒鵝，但今晚賣哂，試唔到佢嘅真身。但都揀咗幾個招牌菜 ；柚醋舟山海蜇頭✨通常頭盤我都會揀啲開胃菜式，呢個海蜇頭必點，因為呢度調配既柚醋，酸味適中，海蜇頭非常之爽口～🐖鮮沙薑去骨豬手粒出邊好少有嘅菜式，將豬手切粒，啖啖肉嚼勁很夠。🐖滷水豬生腸豬生腸粒粒都勁大粒，非常爽脆，另外配搭左芥辣，如果食得辣仲可以叫店員比辣椒油。🐷即燒伊比利亞叉燒皇真正嘅叉燒皇，油脂分布平均，入口油脂就佈滿晒口腔，呢個配飯一流，個面燒得好香脆。🐖即燒乳豬¼隻乳豬因為係即燒所以需時，豬皮燒得好香口。🐓🍲港式特濃雞湯翅（8両翅）✨店員會喺面前即刻煲熱雞湯，亦都係店員親自上遞湯，裏面足足有兩隻大雞髀，最驚豔嘅係，魚翅份量係有八両，兩個人食非常之足夠，個湯熬咗好耐好濃郁～✨仲有15年既陳皮紅豆沙，係我最鍾意嘅中式糖水，15年嘅陳皮個味道真係出好多～同埋起哂沙平日夜晚晚飯都比較多人，所以記住早啲book位～

之前喺舊店食，環境當然冇新店咁好，啲枱枱凳凳就夠一啲，同埋環境迫一啲個光線亦都冇咁光。但係講到食物，都已經覺得好好味。今次同老闆們一齊去新店，環境裝修當然靚好多。因為全部都仲係好新。坐喺附近都有一啲外國人嚟食。乳豬夠脆！蒸魚腸：老闆同事都話好好味。叉燒口感好好，好香，食落都唔多油！其他菜式都水準以上。地點咁好，趁而家新開張容易啲搵位食多幾次，如果唔係遲啲又可能好似舊舖或者瑪寶鮮咁樣要成一個月前訂位。下次再同朋友食飯，神燈一定係其中首選。

神燈海鮮酒家係尖沙咀又開設新分店啦！一年幾前去過佐敦分店，尖沙咀新店環境舒服好多呀，而且樓底較高，枱同枱之間嘅空間都闊落啲，而且食物質素好似都有進步，而且試業期間全店點心仲係7折～今次就同屋企人嚟試吓晚市伊比利亞叉燒皇 $258西班牙伊比利亞豬肉可以話係叉燒界嘅王者，肉質非常鬆軟，油脂豐腴，肉味香濃，仲有少少燶邊🤤黑松露玻璃燒鵝🖤 1/4隻 $238半隻 $468一隻 $888大廚係鵝身上搽滿秘製嘅黑松露醬油，然後風乾令鵝身收乾水分，一入口鵝香大爆發！而且肉嫩不帶膻味！阿拉斯加蟹二食| 雞油花雕蒸、活膏甲羅燒🦀$2388/4斤；$2988/5斤雞油花雕蒸蟹腳傳統蒸法係最保留到蟹肉嘅鮮甜味，大廚將雞油、蛋黃混合，再配搭花雕酒嘅香氣，屋企人個個啜蟹腳啜到勁滋味😙😙😙…啲蛋黃雞油汁好味到撈晒啲飯，唔係講笑🤤🤤🤤活膏甲羅燒食法師傅席前烤製，將蟹膏加入鵪鶉蛋黃、蟹籽、清酒仲喺分三次加入，每次份量越加越少，烤製過程中已經香氣撲鼻，味道濃郁甘香嘅蟹膏淋上金黃酥脆嘅蝦多士🥹星洲麥皮蟹腳 (另加$100追加一食)星洲麥皮烤到金黃脆口，緊黏係蟹腳上面，大廚已將殼先行剪開，可以好輕鬆就挑出一梳梳雪白蟹肉古法

神燈海鮮酒家飲茶🫖環境：枱與枱之間寬敞舒適服務：有進步空間食物：款式多，味道也不錯。推介食品：香濃雞湯蟹肉灌湯餃千島醬釀蘿蔔糕椒鹽魷魚蜜汁叉燒腸粉📍神燈海鮮酒家🏢九龍尖沙咀漢口道28號亞太中心地庫B號鋪賣相：★★★★☆口感：★★★★☆環境 ：★★★★☆整體評分：★★★★☆

潮州粉果真真正正做到皮薄餡靚，啲沙角好食xo醬煎腸粉用個石鍋黎上，保持食物嘅溫度，食好耐都仲係熱嘅，xo醬油唔係好難喎香煎墨魚蝦餅就係將墨魚滑同埋蝦滑撈埋一齊嘅搞作，點埋個泰式甜酸醬好好食，個墨魚蝦餅本身都幾彈牙脆皮馬蹄條就有少少強差人意，炸粉太厚，搞到入面馬蹄糕嘅份量比例上少咗呢個叫市橋白賣，係比較特別嘅，我都係第一次食，其實白賣即係白色燒賣，而白色其實就係鯪魚肉，即係好似鯪魚球咁樣，不過造成燒賣嘅形狀，上面有一片薄薄嘅臘腸吊一吊味叉燒包係唔錯嘅帶子鳳眼餃味道唔錯，帶子新鮮，不過係啲餃皮黐住曬好難搞冇諗過蘿蔔絲酥餅係咁嘅樣，不過呢個嘅味道幾好，無論係個餅本身或者入面啲蘿蔔絲都做得好好食椒鹽魷魚輕巧得嚟做得乾身有香口，冇乜油嗰下犀利金錢肚都好靚，本身佢個材料質素係唔錯嘅，所以雖然撈咗柱侯醬，不過仍然食得出金錢肚嘅香味。依家新張期內仲要七折，我哋四個人lunch time飲茶先至係食咗$435，尖沙咀區超值之選。

尖沙咀神燈海鮮酒家，整體水準好過銅鑼灣分店。🐑乳豬，皮鬆化，肉嫩口，上枱仲係暖嘅，已經加晒分。係個乳豬醬，相對坊間嘅比較鹹味重，掩蓋咗個甜味，有啲怪怪地，唔點醬仲好食。🐑辣酒煮花螺，汁底個玫瑰露酒味好香、好特出，香葉、八角味足，係唔夠辣啫，不過遷就大衆客人口味嚟講，辣度都OK嘅。螺係喺汁底直接生煮嘅，海鮮味有入到個汁入面，鮮味有所提升，唔錯喎。🐑啫啫芥蘭煲，煲夠熱，汁水夠少，絕對啫得起，蝦乾、蝦醬肉碎亦夠香口，可惜個芥蘭淥得太淋，爽番啲會啱我口味多啲。

神燈又開分店，今次響尖沙咀square隔兩條街，地點靜中帶旺，如果無人介紹應該未必會知道。唔知係咪新張關係，星期日中午人客只有七成滿，知客都好有禮貌好有效率。點心選擇同佐敦神燈差不多，不過價錢稍貴。蝦餃、金錢肚、千層糕、沙薑豬手都好好食；炸馬蹄條其實係炸馬蹄糕，同想像有點落差但都好食；最驚嘆係蘿蔔絲酥餅，原來唔係以往蠶蟲形狀，而係個炸大饅頭，不過餡料好少，所以食個濕饅頭口感麻麻地。玄米綠茶好飲，同其他普通茶錢一樣。酒樓剛剛開業，裝修都乾淨光猛，位置響地庫，入內有扶手電梯，離開可以行樓梯或地底行番去亞太中心搭載貨升降機出地面，對於行動不便既長者都算方便之選。新張有七折，所以抵食。（利申：自費）

經過漢口道，見到有事業七折嘅宣傳，原本諗住去食茶餐廳，即刻轉去試吓呢間飲茶。乾炒牛河牛肉嫩滑，河粉香滑，搭配豆芽與青蔥，炒至金黃，色香味俱全。特別是鑊氣，讓整道菜的風味提升不少。鮮蝦炸春卷非常新鮮熱辣辣，春卷外皮酥脆，內餡鮮蝦鮮美，口感極佳。陳皮牛肉球整體偏林身，口感不夠豐富。蛋黃千層糕層次分明，咸蛋黃的濃郁，特別加咗糖冬瓜，不過整體偏甜同埋油膩。陳皮牛肉腸粉腸粉滑而不黏，牛肉餡香濃，陳皮的加入讓整體味道更為立體，既有傳統的風味，也有新穎的改良，讓人驚喜。椒鹽魷魚外皮同魷魚都腍身，唔夠香脆彈牙。豉蒜虎皮尖椒有驚喜嘅一道，原本以為係釀鯪魚肉嘅尖椒，原來淨係炒尖椒，微辣，加埋豆豉，非常惹味。