呦呦鹿鳴布丁燒

营业中

休息中

最近有同事離職，買咗呦呦鹿鳴布丁燒，因為好好食同個造型好靚，印象深刻，今日路過銅鑼灣決定買返屋企當 tea。呢間店由一對夫婦開，佢哋特意去台灣學咗手藝，專做創意口味布丁燒。我今次咗佢哋嘅北海道3.7牛乳味，用咗北海道富良野生乳，真係有濃濃牛奶香味，食落去好香滑。之後又揀咗招牌椰爺布丁燒，蛋味香濃嘅布丁燒有淡淡椰青味，仲有椰肉，感覺幾好。佢哋嘅布丁燒係每日新鮮出爐，用焦糖、布丁漿同芝士蛋糕粉糊，放入模具，再用水浴法焗一個鐘。常溫可以擺兩個鐘，如果要過夜就放雪櫃。