影片
更多
2011-07-02
14 浏览
買咗beecrazy 團購，$98，用原價加一。我地仲每人加咗$10任飲汽水啤酒。所以平均每人大約$140。有一個預設拼盤，同一張專為beecrazy 而設嘅添食紙。湯底：清湯，麻辣，或鴛鴦鍋清湯唔係白開水或芫茜喎，竟然係蕃茄薯仔湯，讚。麻辣嗰邊唔夠麻又唔夠辣，但就一大層肥油。個拼盤有蝦、牛肉、蟶子、羊肉、蟹柳、即炸響鈐 、貢丸、龍蝦丸、野菜及雜菌。牛肉的確係唔錯，好嫩滑有牛味又唔韌。不過份量少。羊肉ok 喎，大片，一d都唔羶，阿媽都誤食咗。響鈐 very good，質素幾好，唔會肥膩，又香。貢丸超肥超多油喺入面；龍蝦丸ok ；蟶子都新鮮，不過有碎殼；蝦新鮮，雖然細隻，但肉爽。蟹柳街市平貨，食咗一啖就放棄。菜就有生菜、雞脾菇、鮮冬菇同秀珍菇，份量不少。添食嘅有菜肉餃、韭菜餃、潮州魚蛋、蟹籽龍蝦丸、安格斯肥牛、蒙古羊肉、日本蟹柳、脆皮芝士腸、鮮黃沙豬潤、新鮮豬腦、鮮豬紅、鮮豬肺、水鱿魚鬚、黃沙豬皮、白柏葉、海帶、順德釀豆卜、玉子豆腐、炸枝竹、素食生根、冰豆腐、山水豆腐、新鮮粟米、新鮮蕃茄、娃娃菜、冬瓜件、新鮮薯仔，實心蘿蔔、香炸荔芋件、日本手打稻庭烏冬、九州拉麵、出前一丁、脆口芋絲、龍口
我地仲每人加咗$10任飲汽水啤酒。所以平均每人大約$140。
有一個預設拼盤，同一張專為beecrazy 而設嘅添食紙。
湯底：清湯，麻辣，或鴛鴦鍋
清湯唔係白開水或芫茜喎，竟然係蕃茄薯仔湯，讚。
麻辣嗰邊唔夠麻又唔夠辣，但就一大層肥油。
個拼盤有蝦、牛肉、蟶子、羊肉、蟹柳、即炸響鈐 、貢丸、龍蝦丸、野菜及雜菌。牛肉的確係唔錯，好嫩滑有牛味又唔韌。不過份量少。
羊肉ok 喎，大片，一d都唔羶，阿媽都誤食咗。
響鈐 very good，質素幾好，唔會肥膩，又香。
貢丸超肥超多油喺入面；龍蝦丸ok ；蟶子都新鮮，不過有碎殼；蝦新鮮，雖然細隻，但肉爽。
蟹柳街市平貨，食咗一啖就放棄。菜就有生菜、雞脾菇、鮮冬菇同秀珍菇，份量不少。
添食嘅有菜肉餃、韭菜餃、潮州魚蛋、蟹籽龍蝦丸、安格斯肥牛、蒙古羊肉、日本蟹柳、脆皮芝士腸、鮮黃沙豬潤、新鮮豬腦、鮮豬紅、鮮豬肺、水鱿魚鬚、黃沙豬皮、白柏葉、海帶、順德釀豆卜、玉子豆腐、炸枝竹、素食生根、冰豆腐、山水豆腐、新鮮粟米、新鮮蕃茄、娃娃菜、冬瓜件、新鮮薯仔，實心蘿蔔、香炸荔芋件、日本手打稻庭烏冬、九州拉麵、出前一丁、脆口芋絲、龍口粉絲、水晶粉皮、雲南米線、上海年糕、爽口生麵、四川薯粉。聽落好似好多，但菜多肉少。
而且即使你追加牛肉同羊肉，佢地會故意漏單，柯單咗2次，我地三個人，結果都只係黎得一碟。
牛肉第一次畫咗，但等到第一輪配料黎晒先至黎，擺明唔想d客太快食完又refill，呢個手法好cheap 囉！
第二次叫，直頭無黎，就算追咗都係無黎。
你既然寫得出黎任食，就唔該大方d，同埋都應該預咗枱枱都會勁encore囉！
菜肉餃、韭菜餃好食，應該都係現貨唔係自己包。
潮州魚蛋不過不失，好白淨，但唔夠彈牙。
黃沙豬潤都ok喎，雖然唔算上等黃沙，但都唔會太鞋。
水鱿魚鬚同白柏葉都幾好，唔韌；順德釀豆卜細細粒，方便食，不過上面嘅魚肉就有d腥。
炸枝竹ok, 但當然唔及響鈴咁好食；粟米超甜；娃娃菜ok，正常。
麵類選擇超多，當中以日本手打稻庭烏冬最讚。
佢寫得係「手打稻庭」，的確無呃人，真係高質素嗰隻，好滑又彈牙，呢個係抵讚。
整體黎計，不過不失，但唔覺團購特別抵。
加上我地呢d食肉獸，肉量真係唔夠，牛又唔多，又無豬又無雞。
张贴
