THE HUNTER

呢日星期五，所以想搵間有情調同埋有酒飲嘅餐廳，就揀左呢度。 職員一開始會遞上餐包，餐包柔軟，牛油又香。 招牌蔬菜沙律 呢嗰沙律好得意，職員會係我地面前拌均，有種期待嘅感覺。沙律色彩繽紛，好清新。醬汁味道好開胃。 肉眼扒 呢間餐廳應該都幾出名食牛扒，因為佢有成個餐牌都係牛扒，所以我地都想試一試。我地叫左五成熟，揀左紅酒汁，牛扒係有炭烤過嘅香氣，而且有脆口嘅口感，肉味亦很香。 蟹肉意大利麵 蟹肉嘅份量非常多，而且好鮮味，意粉軟硬適中，蕃茄味香，同蟹肉平衡啱啱好，蟹肉多到啖啖都食到，有啲仲係大大條蟹肉，好正。 酒方面，我們分別點了Spencer's Gimlet，呢款好特別，係蝶豆花的酒，所以係紫藍色。Prey & Replay，是花香味配上tequila 和橙酒。好襯我地今晚嘅美食。 呢度環境氣氛真係好好，職員有禮，而且食物質素高，今次叫嘅野食全部都好滿意，下次有機會再黎食。