影片
更多
2019-09-14
659 浏览
印象中中環樓上食肆都係以西餐同酒吧居多，諗起下午茶都唔知去邊度好，今日朋友介紹咗一個新地方，好有驚喜。一入去已經見到個好靚嘅花牆，仲細心到排好高櫈，好適合朋友/情侶打卡。餐廳係落地玻璃設計，係17樓睇到唔少特色建築，但見唔到人多車多嘅馬路，可以遠離煩囂專心享受美食了！2個女仔最岩食tea set,因為唔洗選擇困難，每人加多$15就可以試到招牌果茶（左），我就叫左凍荔枝茉莉。果茶唔太甜，但好清香，仲見到好多粒粒果肉，顔色鮮艶，最重要係夠新鮮，飲得安心。一黎到，店員係拎住個木箱行過黎，我地覺得奇怪，一打開果下真係「嘩」一聲然後笑唔停，盒入面真係有個迷你喇叭播放住輕輕嘅海浪聲，真係好驚喜，鹹點甜品放埋一齊完全無違和感，好夏日。由鹹點開始食，迷你牛肉芝士漢堡，牛肉裏面有少量洋蔥碎，咬落都幾有肉汁，分量細細，啱曬之後留肚食更加多甜品。之後繼續試牛油果，鮮蝦多士卷，牛油果同蝦以外哋好夾，嚇係比較爽脆嫩滑嘅質感而牛油果就係軟滑嘅，兩樣嘢夾埋再加上外皮好爽脆嘅多士包圍住，非常配合。仲有粉紅色底、外表好靚嘅巴馬風乾火腿蜜瓜紅菜頭撻，帶有鹹香味嘅亁火腿配上設成球體嘅蜜瓜，女仔想有儀態咁食就最岩，哈哈櫻桃
一入去已經見到個好靚嘅花牆，仲細心到排好高櫈，好適合朋友/情侶打卡。餐廳係落地玻璃設計，係17樓睇到唔少特色建築，但見唔到人多車多嘅馬路，可以遠離煩囂專心享受美食了！
2個女仔最岩食tea set,因為唔洗選擇困難，每人加多$15就可以試到招牌果茶（左），我就叫左凍荔枝茉莉。果茶唔太甜，但好清香，仲見到好多粒粒果肉，顔色鮮艶，最重要係夠新鮮，飲得安心。
一黎到，店員係拎住個木箱行過黎，我地覺得奇怪，一打開果下真係「嘩」一聲然後笑唔停，盒入面真係有個迷你喇叭播放住輕輕嘅海浪聲，真係好驚喜，鹹點甜品放埋一齊完全無違和感，好夏日。
由鹹點開始食，迷你牛肉芝士漢堡，牛肉裏面有少量洋蔥碎，咬落都幾有肉汁，分量細細，啱曬之後留肚食更加多甜品。之後繼續試牛油果，鮮蝦多士卷，牛油果同蝦以外哋好夾，嚇係比較爽脆嫩滑嘅質感而牛油果就係軟滑嘅，兩樣嘢夾埋再加上外皮好爽脆嘅多士包圍住，非常配合。
仲有粉紅色底、外表好靚嘅巴馬風乾火腿蜜瓜紅菜頭撻，帶有鹹香味嘅亁火腿配上設成球體嘅蜜瓜，女仔想有儀態咁食就最岩，哈哈櫻桃小嘴丫嘛 撻底唔係平日食牛油蛋撻嗰種口感，反而我覺得似窩夫雪糕筒多d，係脆身嘅。
海鮮嘅代表就有惹味釀蟹蓋，作為小食我覺得都唔錯，食落去見到有白色嘅蟹肉，但係我覺得最特別嘅係菠菜忌廉伴烤雞柳，菠菜同忌廉雖然有啲淡，記得點多d汁食，但係口感好滑，而雞柳切成好細嘅一件，令到鹹點都變得有精品精緻嘅感覺。
就係左邊白色呢杯，真係估唔到，唔係甜品
甜品方面，驚喜指數無咁高，但係勝在夠清新同埋多款式。蘭香子鮮雜果布甸好軟滑，柚子吉士達係相對出色嘅一個，上面嘅柚子好香又清甜，今次撻底就似食甜品嗰種牛油底嘞，車厘子帽子蛋糕外表好出眾，蛋糕入面有少少藍莓醬，外面就係牛油蛋糕，鬆軟又夠蛋香。
香橙果凍外表雖然比較平實，但係我最鍾意佢。因為產味好香濃，甚至有少少橙本身獨有嘅澀，而唔係出面一般餐廳所做嘅咁甜，好有夏日嘅感覺。
最後嘅紅莓慕斯甜筒，造型真係一流，甜筒入面仲有少少朱古力，慕絲有莓嘅香但就唔太甜。
初初我地擔心唔夠飽，因為無食lunch就過左黎，專登叫多咗一個小食，就係黑松露芝士薯條，嚟到先知份量好多，包括醬汁以下嘅部分，成個籃都係薯條，夠粗亦都好夠脆，口感非常之好。黑松露醬非常之濃厚，薯條上面本身有一啲乾咗嘅芝士絲，兩者配搭之下味道好香濃，唯一遺憾嘅係我哋食唔曬，下次叫多啲朋友一齊嚟先。
有時間建議慢慢坐，欣賞下窗外嘅風景，好寧靜好舒服。
张贴
