影片
更多
2015-03-05
7604 浏览
是夜举行1月之星寿宴... 寿星话有朋友食过呢间餐厅Comment唔错, 吹鸡叫大家去擦餐劲...N年都无去过创兴广场食饭, 唔知点解近期大家又转返去旺角揾食... 减肥半年, 好似都无食过Buffet, 点解大家要咁对我... 放过我吧)))百物腾贵, 心谂日式放题的质数唔会好得去边... 食完又发觉唔太差㖞... 有D食物几碟一齐影, 有D食物重复Order所以唔影, 咁都30张相, 4条Queen好恐怖呀!!!先讲地点, 香港最中心嘅中心地段, 交通方便到无朋友是常识吧...再讲环境, 几靓吖都, 见得吓人... 哈哈... 只要系紫色我都话靓... 创兴广场全层, 入面超大间的, 行好耐先行到尽头...饮品自取...Lotte手快有手慢无... 我饮咗3罐, 肥死... 引擎... 开动!!!几年无食日式放题, 估唔到又几多选择㖞, 点心纸多到睇唔切... 太多相, 唔逐一讲喇, 自己睇下啱唔啱食啦... 重点系$230, 我觉得几抵啰... 必食刺身啦, 仲洗我讲?!! 荣螺片坚鲜甜... 三文鱼第1轮唔掂, 第2轮OK... 烧羊鞍第1轮烧得又香干身, 味道超正, 澎湃嘅羊
是夜举行1月之星寿宴... 寿星话有朋友食过呢间餐厅Comment唔错, 吹鸡叫大家去擦餐劲...N年都无去过创兴广场食饭, 唔知点解近期大家又转返去旺角揾食...
减肥半年, 好似都无食过Buffet, 点解大家要咁对我... 放过我吧)))
百物腾贵, 心谂日式放题的质数唔会好得去边... 食完又发觉唔太差㖞... 有D食物几碟一齐影, 有D食物重复Order所以唔影, 咁都30张相, 4条Queen好恐怖呀!!!
先讲地点, 香港最中心嘅中心地段, 交通方便到无朋友是常识吧...
再讲环境, 几靓吖都, 见得吓人... 哈哈... 只要系紫色我都话靓... 创兴广场全层, 入面超大间的, 行好耐先行到尽头...
饮品自取...
Lotte手快有手慢无... 我饮咗3罐, 肥死...
引擎... 开动!!!
几年无食日式放题, 估唔到又几多选择㖞, 点心纸多到睇唔切... 太多相, 唔逐一讲喇, 自己睇下啱唔啱食啦... 重点系$230, 我觉得几抵啰... 必食刺身啦, 仲洗我讲?!! 荣螺片坚鲜甜... 三文鱼第1轮唔掂, 第2轮OK...
烧羊鞍第1轮烧得又香干身, 味道超正, 澎湃嘅羊膻味, 第2轮无咁正, 较湿润味道无第1轮咁浓烈... 翻本之作...
即场Like餐厅的Facebook Fanpage有炖汤送, 「花胶鲍鱼炖螺片」味道浓烈, 超级足料, 唔系讲笑, 入面真系有鲍鱼呀...
失踪人口...Order咗几转都只系得1转的烧菠萝同烧虾... 怀疑送错晒去隔离枱... 后尾送错烧菠萝+唔知咩, 我唔理得咁多, 叫阿姐放低烧菠萝, 其他错的拎走... 咁先可以食多1轮咋... 烧菠萝多汁到无朋友, 又香又甜, 太好味...
芝麻鸡翼都好味, 食咗几轮, 够香口又甜甜地... 紫心香芋丸都好味, 芋香浓郁...
台湾肠卖飞佛, 皮脆肉香... 鸡软骨香脆, 略咸...
蕃薯天妇罗味道唔错唔错... 香甜软绵... 样子丑了点, 像...
4位太太食咗太多太多, 不能尽录, 其他果D看图识字...
咁大碟寿司?!! 送错枱嘅呢... 阿姐, 唔该拎走...
离开时先发现餐厅人口侧边有雪糕柜, 无食到, 蚀呀!!! 食物卫生应该过得去, 起码我食完半夜无呕先啦~~~
我之前辛辛苦苦减咗果15磅无喇... 呜呜呜呜~~~
张贴
