極尚大喜屋 (銅鑼灣廣場一期)

营业中

休息中

講到放題，相信大家都一定會首先諗起大喜屋集團，而今次特登嚟呢度試吓極上大喜屋，亦都即係最高級嘅放題店！環境：呢度嘅環境好好好，唔會好迫，而且枱同枱之間有一定嘅距離，服務態度亦都唔錯！員工好快手！食物：先講下呢個刺身，我最鍾意食嘅三文魚刺身非常厚身，而且食落好新鮮，油脂嘅分布都好好，入口即溶！另外特別想講下佢呢度嘅帶子，唔單止新鮮，而且好鮮甜，所以我同朋友都叫咗兩輪！而且值得一講嘅係呢度嘅甜蝦，甜蝦好夠凍，而且都好大隻，食落好有甜味同樣亦都係好新鮮！刺身絕對係必叫之選！回本先想相信大家都一定會諗到海膽！呢度係有得又任叫海膽手卷，海膽好鮮甜而且都好新鮮！大家叫返幾舊其實都會返晒本㗎啦！有一件值得讚嘅事係海膽手卷飯量唔會好多，所以大家唔會食完一件已經飽咗！啲海膽亦都配合返手卷嘅大細，所以大家絕對可以放心食多幾件啊！而係熟悉方面，非常推薦嘅羊架，唔單止冇蘇味， 仲好容易咬開！ 而呢到既燉湯我總共飲咗兩大碗！因為入面真係非常足料，而且唔知道有冇朋友同我一樣，每次食完刺身呢啲生冷野，個肚其實都會有少少凍！所以都一定要飲返啲熱湯暖胃🤣🤣湯唔單止足料，而且好夠熱，飲落好鮮甜，最重要嘅係飲完之後唔會覺得