極尚大喜屋 (銅鑼灣廣場一期)

营业中

休息中

通常食放題都會諗起大喜屋，所以今日就同朋友去銅鑼灣分店食下。太耐冇食放題，原來已經轉咗做半自助形式，有啲炸物、飲品燉湯甜品同飲品都係自己喺出邊拎。刺身方面，我哋叫咗三文魚、鯛魚、希靈魚、北海道帶子、北寄貝、赤貝、鮑魚、極品大赤蝦、象拔蚌。件件刺身大件而且新鮮，絕對唔會將貨就價。壽司方面，我哋叫咗海膽魚子拖羅薈壽司，深海池魚王，醬燒芝士皇帝蟹棒壽司，鹽燒左口魚邊壽司同埋芝士鰻魚玉子燒。件件特色壽司都好惹味，就算係任食味道都唔會差。至於熱食方面，我哋揀咗蒜蓉花枝西蘭花同埋牛油炒粟米，兩樣都好好味，抵讚！去食放題又點可以唔係燒香草羊鞍呢，羊鞍啖啖肉，一啲都唔韌。燒鰻魚同埋廣島蠔都好好食，而且一啲都唔腥。串燒方面，我哋叫咗鹽燒牛舌、燒溫室甜菠蘿、鹽燒雞軟骨串同埋風味燒魚乾。每一樣都燒得啱啱好，唔會lone晒亦都唔會太硬。甜點方面，我哋亦都試咗吉列牛乳炸鮮奶、脆炸貓山王同埋其他雪糕雪條。成餐飯都食得好滿足下次一定會再嚟。