日悅極尚日式放題 (已結業)

與朋友相約喺尖沙咀食飯，朋友一早訂定位喺尖沙咀一間放題度等， 冇諗過佢個地方咁大，差唔多成層都係佢，仲要冇位淨，好彩朋友食過同訂咗位，如果唔係都唔知點算。菌汁牛舌， 和牛舌都煮得幾林， 又易入口， 一份4舊， 兩個人就一人兩舊， 分量都叫唔錯。冷盤沙律甜品吧， 沙律種類眾多，最重要嘅當然係沙律菜，至於其他冷盤， 佢又有大蝦，又有青口。 最重要，佢仲有個水果拼盤，又有西瓜又有菠蘿，又有橙 ，真係包羅萬有， 都好似食自助餐咁。刺身夠曬大塊， 全部都係厚切， 呢樣先係最驚喜，大大分，放題都覺得特別高興。飲品又係任飲當然都係自助式， 種類比一般嘅多，連酒都有三四種。值得再嚟， 不過下次一定要主力食刺身， 唔好比出面嘅自助餐吸引到。 如果唔係食唔到回本。