101手工涮涮鍋 (已結業)

突然好想食放題，犒勞一下努力工作的自己。朋友推介尖沙咀呢間涮涮鍋放題，近尖沙咀地鐵站B2出口，附近熱鬧又可以行下街，地理位置非常好。  餐廳喺二樓，有四人卡位同大圓台，燈光不算明亮，有些酒吧風格。  一入座就有【豐富調料同開胃前菜】，穩定我地激動的胃，可以安心睇menu。二人餐大部分已配搭好，只需揀選湯底同肉類。今次揀左【三杯雞湯底】，底料足，雞肉入味，小小辣，開胃。  肉類揀左【安格斯肥牛】，厚切肥牛片，新鮮誘人，肉質鮮嫩，撈幾秒就有得食，過癮！  【手打丸拼盤】彈牙有嚼勁，唔同款式任你玩。  最特別係黑色【墨魚磚】，好似啫喱，好爽，一啲都唔粢牙。  超大【響鈴】，炸得鬆脆，過湯即食，索曬湯汁，正！  【芒果忌廉沙冰】賣相滿分💯夠大杯，打邊爐飲沙冰，絕配。今次放題真係超滿足，menu一半set好一半有得揀，有自由度又可以一次過食曬特色菜品，有創意，飲品亦誠意滿滿，會再來光顧。