築地番本日式放題 (已結業)

個女終於的起心肝去買鞋了. 我做媽媽一於放半日假陪佢去行旺角. 買佢心水鞋. 行到差不多7:00了. 好累好累. 又係搵食時間. 係街上見到好多派傳單嘅人. 有一間比較特別. 用大聲公講有象拔蚌刺身任食. 又有任飲. 都係二百幾蚊. 所以就選擇咗佢喇. 就係築地蕃本日式放. 上到去門口都有唔少人. 不過佢地應該係等朋友一齊入座. 因為入座起計2小時. 我跟職員說2位. 就即刻有位. 餐廳都算大的. 又唔會好迫. 都坐得舒服. 食物, 飲品種類好多選擇. 甜品又多. 又有雪條雪糕. 上菜又快. 職員服務態度又好. 如果即時LIKE& SHARE 面書. 仲有紅蝦刺身或松葉蟹腳. 不過我地見有咁多嘢食. 冇LIKE到. 食物太多種類, 我唔逐一介紹了. 但有幾款係值得介紹的. 日式鮑螺蟹粥-雖然蟹及鮑螺唔多見到, 但粥底好鮮甜. 香蔥海鹽鮮象拔蚌壽司 - 由於有香蔥, 所以特別香. 跟刺身是不同的. 烤有機菠蘿-酸酸甜甜, 好醒胃.其他就唔多介紹了. 比相大家睇啦. 各款刺身. 尤其是象拔蚌夠新鮮, 甜蝦大大隻夠鮮味. 白肉拖羅厚厚的. 油份足夠.