影片
更多
2018-01-15
4321 浏览
自己就唔係話特別鐘意食放題嘅人，通常就間中朋友約埋先會食。雖然鐘意食野，但食量唔係話十分之大。其實連自助餐我都少食，係貪心但又唔係食到好多野嘅人。今日同朋友喺尖沙咀行街，晚餐選擇尖東半島中心呢間新新地(?)嘅放題試試，不時喺fb都會見到佢地嘅宣傳，睇過照片覺得環境同食物都唔錯。原來屬於德興旗下，咁都有番一定嘅信心收費：五六日5:30-6:30pm定價$278/位，期後加廿蚊位，晚市食足2hr30min，如果四人同行，有一人半價 (會收番正價加一)兼送活魚薄切一條。喺放題黎講都屬於中上價位，帶住期望入黎，幸好都冇失望，而且環境都幾好餐廳面積非常大，對正門口會有個自助吧，有冷盤、水果、飲品，類似酒店自助餐格局。規模都真係拍得住中型酒店自助餐，自助吧冷盤有凍蝦、翡翠螺、青口、螺肉、帶子裙邊、八爪魚等，沙律、水果唔少得。自助模式有一定嘅好處，反正落單後等食物都係閒著，咁客人就可以去自取食物食住等，符合喜歡食放題嘅人嘅經濟效益，喺兩個半鐘頭內的確可以不停食住野位置多，比較特別係有兒童遊玩區、嬰孩護理室，都諗得幾周到、貼心。遊玩區都幾大，似平時party room咁上下大小。 飲品選擇大量，一般罐
收費：五六日5:30-6:30pm定價$278/位，期後加廿蚊位，晚市食足2hr30min，如果四人同行，有一人半價 (會收番正價加一)兼送活魚薄切一條。
喺放題黎講都屬於中上價位，帶住期望入黎，幸好都冇失望，而且環境都幾好
餐廳面積非常大，對正門口會有個自助吧，有冷盤、水果、飲品，類似酒店自助餐格局。規模都真係拍得住中型酒店自助餐，自助吧冷盤有凍蝦、翡翠螺、青口、螺肉、帶子裙邊、八爪魚等，沙律、水果唔少得。自助模式有一定嘅好處，反正落單後等食物都係閒著，咁客人就可以去自取食物食住等，符合喜歡食放題嘅人嘅經濟效益，喺兩個半鐘頭內的確可以不停食住野
位置多，比較特別係有兒童遊玩區、嬰孩護理室，都諗得幾周到、貼心。遊玩區都幾大，似平時party room咁上下大小。
飲品選擇大量，一般罐裝道地、果汁先生、烏龍茶、綠茶、hoegaarden、可口可樂、汽水、維他飲品等，部分係室溫，方便啲想唔飲嘅凍飲嘅客人。飲品機有果茶、清酒、梅酒自取，都refill得幾快。熱飲有菜蜜、茶包等，照顧唔同人士需要。湯品有牛骨湯、味噌湯、黑糖蓮子紅棗茶。牛骨湯值得一試，味道香濃足料，又冇乜味精感，天氣涼涼地，飲左三碗好暖身
牛骨湯：
刺身有三文魚、帶子、松葉蟹腳、油甘魚、北寄貝、馬刀貝、魷魚、八爪魚、希靈魚，甜蝦、大赤蝦。我地每樣點左少少，整體都好新鮮，上枱仲有乾冰煙霧效果，三文魚、帶子、魷魚質素唔錯，幾肥美鮮甜八爪魚略為失色，口感較乾、鹹。甜蝦、大赤蝦都幾大隻，中規中矩。
我地唔係好「叻」去食放題嘅人，冇特別話揀啲所謂回本野去點單，都係想食乜就點乜，我地係會點壽司嘅人，哈哈。壽司點左熟蝦、三文魚、魷魚、花之戀、黑松露油甘魚、火炙左口魚、火炙鰻魚、火炙蟹棒、火炙三文魚腩，蟹籽軍艦、芥辣八爪魚軍艦同蔥吞拿魚蓉手卷。
可能有人會覺得黎放題食壽司罕見(?)唔知啊，我要有啲米氣落肚啊，哈。壽司質素不俗，重點曳者比較關心當然係舊飯，唔會太件，細細舊飯，唔會好飽肚，亦都冇機壓嘅口感。火炙系列香口，芝士蟹棒好吃；左口魚就細塊啲。
紫菜即食都夠香脆；手卷可以一提，吞拿魚蓉正常，飯量佔手卷一半都冇，唔洗怕食幾條手卷會飽。不過手卷款式就唔算多。
熟食比起刺身、壽司仲好啲喎，滿足到唔係食到好多生冷野，但又鐘意食放題嘅人。
帆立貝燒、鹽燒海蝦都幾大隻，平時食放題多數隻帆立貝細到根本搵唔到，呢度完整一隻喎，燒得幾香口
海蝦又新鮮又大隻，應該係啲人所講嘅回本之選。只可惜我地肚仔有限，哈。
辣酒煮蜆係另一款我個人推介，撇除辣酒冇味之外，蜆係好抵食！水準以上。一般食清酒煮蜆、炒蜆多數得個殼，或者細粒到爆。
呢度嘅煮蜆好大粒啊，係花甲size，乾淨冇沙，好肉地，唯一挑剔就係冇乜辣酒味囉。但我自己本身好鐘意食蜆，就追加左幾次
炸蝦、炸蠔、蟹棒、芝士年糕、紫薯餅、芝麻雞翼等我地每樣試少少，整體唔會太厚粉，同埋幾新鮮熱辣，食完都唔會太膩。
蒜片牛柳粒都推介，份量不少，入口夠腍，燒到啱啱好，又有牛味反而一份叫和牛薄燒就一般般。
其實喺食物方面我地刺身、熟食食左一兩轉，如果鐘意食放題，其實呢度嘅選擇都滿足到你，有啲我地未試嘅，例如鹽燒鯖魚、羊鞍、三文魚頭都好多人食。要飽肚嘅亦都有壽喜燒、蝦蟹粥、炒飯、烏冬等。
食放題另一樣不得不提就係甜品，咁當然啦，如果有食開放題都唔會期望甜品係出色，入得口囉，或者留番啲quota試多啲其他野。
食左個半鐘，我地都已經飽到不行，但一定要留肚食埋雪糕
食過啲有名嘅放題都知，而家唔會用啲太平價嘅雪糕，好多時都係呢兩大品牌，但一般都係人頭份吧(?)
呢間啲雪糕係任食啊，好大方。haagen dazs有5款口味，見有咖啡、朱古力、香蕉、雲呢拿、士多啤梨。而movenpick就有朱古力味
我地食左幾杯，大滿足，頓時覺得抵食左，甜品有個甜品胃，不論正餐幾飽，我都仲食得落的。
如果四位一個大人半價，都物有所值，見隔離枱送嘅活魚刺身賣相唔錯。去到8點鐘，大廳仲響鐘，大部分客人都一支箭衝出去，可見佢地應該都係熟客，唔係第一次食。原來響鐘後，就可以排隊去拎即燒乳豬啊，幾有gimmick
餐廳裝潢就唔係好特別，但座位間空間感足，又設兒童區、嬰兒室，考慮周詳。眼見衛生把關嚴謹，用嘅刺身冰底都係倒哂，每枱有個小桶仔，可以棄骨、垃圾。店員服務未至於殷勤，因為較忙碌，但主動收碟更換小桶都好快手。上菜速度滿意，按正常放題次序上菜，先上刺身、壽司，再上熟食。而且我喺自助區一路拎野食，都唔覺時間經過。寫左幾多，份量都上得準，未有漏單情況。
如果有番咁下食量嘅人，兩個半鐘頭都食到好多野。週六晚都幾多客人，最好都係先行預約。
餐牌：(照片太多，其餘可參考相簿)
张贴
