山野日本料理 (已結業)

難得同一班好耐冇見既朋友食飯，梗係要食大餐，知道山野有放題食，就黎幫襯下。]黎食放題點少得刺身，三文魚色澤唔錯，都幾新鮮，一塊塊食落口真係勁正既享受。火炙壽司係我既最愛，勁惹味，食完口中重保留左壽司炙燒既味道。炸物點左番薯仔，紫心香芋丸，炸蝦餅，重有榴槤炸彈。蝦餅勁脆好好食，深紫色迷你既番薯仔都幾吸引。辣酒煮蜆調味麻麻地,冇乜辣味同酒香,不過蜆肉都幾鮮甜燒物方面，佢既蠔都唔錯,蒜味突出,如果加d芝士落去焗就更正。甜品部係門口，好豐富呀～對女仔黎講當然係呢餐既重點