八幡屋日本料理 (已結業)

最近同一個好耐冇見既好朋友食飯，大家屋企都近旺角，就決定去旺角食飯，朋友一早 book 左八幡屋食放題，由於未食過，所以我都冇意見。八幡屋位於旺角西洋菜南街1N兆萬中心9樓，地點方便！　　一來先奉上這碟靚靚的壽司卷物，它係訂座送贈既「八幡屋」創意壽司五點；聽講係餐廳自家設計，以五行，"金、木、水、火、土"這五個元素為主題！睇得出砌得好有心思，而且好新鮮 =]　　　　點左個芝士焗蠔，蠔鮮甜大隻，芝士唔算太多，但食落相當濃郁，而且好香口。　　再來鵝肝多士，好好彩地呢個鵝肝唔算過份的油膩，但入口就油潤甘香，正！　　亦點左個我最愛既蒸蛋， 竟然有蝦鋪在上面，蛋夠熱而且好嫩滑，唔錯 =]食放題就當然一定要食刺身啦，呢度既刺身算很新鮮，而且夠冰，不過我喜歡既款式唔算太多，所以淨係點左以下。　另外，亦點左雞翼、鯖魚，食落香脆可口，味道唔會太咸，好滋味！　　　　食左咁多肉 / 刺身，最後點左個野菌炒野菜。材料豐富，有芽菜、紅黃綠三椒、椰菜、蘑菇等，不油不膩，好健康既感覺！　最後埋單每人$ 251，呢度既食物質素，加上服務態度，價錢都算合理。