影片
更多
2017-09-24
293 浏览
星期二夜晚O咗一陣T﹐收工落到旺角都八點幾﹐又唔知想食乜﹐之後行過見到啲人派傳單就搞到有去食放題嘅衝動。搵咗呢間喺瓊華中心嘅﹐之前未試過﹐見佢晚市都係二百左右﹐就走上去望下囉。居酒屋格局﹐枱同枱之間唔會迫﹐惗住就算食物味道一般都坐得舒服﹐所以決定幫襯。坐低咗揭下叠點菜紙﹐原來都幾多選擇喎！刺身除咗有三文吞拿甜蝦欺凌魚之外﹐竟然有大隻仔赤蝦﹐算係非常罕見。唔惗咁多﹐求其點咗一碟刺身做頭盤…食落有驚喜！赤蝦大隻得嚟仲幾新鮮﹐冇腥味又冇雪味﹐其他刺身食材都算唔錯啦 大部分都新鮮～食完一輪先出去攞嘢飲﹐點知就麻煩嘞… 選擇困難症發作。明明有最鍾意嘅strongbow cider﹐但見到其他新奇嘢又想試下喎﹐咁就自己用sake同啲汽水溝咗個cocktail出嚟嘆下。既然有酒﹐就一定要叫啲佐酒小食啦。天婦羅炸物﹑牛柳粒粒﹑避風塘炸蝦炸蟹幾樣都有水準。講到服務﹐出菜算幾快手﹐又冇漏單。試過叫碟燒鰻魚﹐見過咗一排都冇蹤影就去追追﹐點知說話未完鰻魚就到。我估可能因為鰻魚游得比較慢掛…唯一唔夠爽嘅係﹐雪糕只可以order一杯﹐而且仲要從movenpick同haagen dazs之間作取捨﹐實在太殘忍喇。結
搵咗呢間喺瓊華中心嘅﹐之前未試過﹐見佢晚市都係二百左右﹐就走上去望下囉。居酒屋格局﹐枱同枱之間唔會迫﹐惗住就算食物味道一般都坐得舒服﹐所以決定幫襯。
坐低咗揭下叠點菜紙﹐原來都幾多選擇喎！刺身除咗有三文吞拿甜蝦欺凌魚之外﹐竟然有大隻仔赤蝦﹐算係非常罕見。唔惗咁多﹐求其點咗一碟刺身做頭盤…
食落有驚喜！赤蝦大隻得嚟仲幾新鮮﹐冇腥味又冇雪味﹐其他刺身食材都算唔錯啦 大部分都新鮮～
食完一輪先出去攞嘢飲﹐點知就麻煩嘞… 選擇困難症發作。明明有最鍾意嘅strongbow cider﹐但見到其他新奇嘢又想試下喎﹐咁就自己用sake同啲汽水溝咗個cocktail出嚟嘆下。
既然有酒﹐就一定要叫啲佐酒小食啦。天婦羅炸物﹑牛柳粒粒﹑避風塘炸蝦炸蟹幾樣都有水準。
講到服務﹐出菜算幾快手﹐又冇漏單。試過叫碟燒鰻魚﹐見過咗一排都冇蹤影就去追追﹐點知說話未完鰻魚就到。我估可能因為鰻魚游得比較慢掛…
唯一唔夠爽嘅係﹐雪糕只可以order一杯﹐而且仲要從movenpick同haagen dazs之間作取捨﹐實在太殘忍喇。
結論係﹐埋單兩百銀多些少﹐有呢啲食物同環境﹐應該屬於高CP值嘅類別。
张贴
