亦都因為店舖眾多 好容易出事
由於早幾日已想食放題, 放任一下
所以一早已經BOOK定位 但係由於早到咗
所以都需要等到BOOKING時間 先有位入坐
一嚟就緊係咩都叫啲先啦
首先上枱嘅係剌身 啲剌身總體嚟計都唔錯
夠晒冰凍, 啲刺身亦都夠晒鮮味
當中最喜愛 "三文魚"、"帶子"、"油甘魚"
壽司的總類都有好多, 但個人覺得對比起剌身嚟講就比較失色
熟食整體都唔錯
但叫咗個"瑞士汁胡麻雞翼尖" - 以為應該係唔辣, 但係辣到飛起
炸物必食"榴槤炸蛋" "芝麻雞翼"
"牛柳粒" - 軟淋 配上炸蒜片口感
"日式牛乳廣島蠔鍋" - 個湯都幾好味 有好多菜
但不足之處係蠔2隻, 蜆1隻, 其他全部都是菜 似菜鍋多啲
"溫室蘆筍天婦羅" 第一次見 蘆筍細嫩 多汁
"咖哩炒蟹" 放題中比較少見, 一上枱 咖哩味香濃 辣味十足
飲品除了雪櫃所提供之外 還有"紫貝天葵白桃梳打"、"至尊夏日FIESTA"同"柚子荼"
呢3款飲品都可以一試
甜品方面, 外面都有提供, 可以從雪櫃自取
是日推介雪糕有"焦糖脆脆 "
是日放題 總括而言 性價比高 食材新鮮 沒有漏單的情況出現
1
