瀛喜日本料理 (已結業)

今晚一家人都得閑，突發奇想，大家都想食放題，於是問下朋友有咩好野食推介，聽講瀛喜嘅放題都唔錯，熟食定係刺身都好吸引，於是我地就決定前往一試。黎到啦終於，店鋪嘅環境好舒適，燈光明亮，我地坐的好舒服，枱與枱之間有段距離，可以同屋企人傾下計，又唔怕嘈到人。一開始，我地叫左熱辣辣嘅薑蜜，之前從來無飲過，覺得特別，飲落又真係唔錯啵，甜甜地，又唔係辣到飲唔到，家人都覺得美味然後當然係食d小食先啦！我最愛嘅螺肉，雖然好常見，亦好常食，但我仍然好想食，就叫左啦！冰冰涼涼，辣辣地，螺肉嘅口感又爽爽地咁，食完一隻又一隻，好好味呀！當然最後唔少食幾片燒菠蘿啦！暖笠笠嘅燒菠蘿登場啦，酸酸甜甜，解左飽飽濟濟的感覺，令個胃舒服d，畢竟放題好自然會食得比平時多，所以燒菠蘿係呢個時刻就扮演一個重要嘅角色辣湯煮蜆，個湯真係幾辣，但d蜆都幾鮮味，咸咸地，有蔥花撒係上面，配襯番個顏色，成碗就變得好靚啦！一粒粒鹽燒雞軟骨串埋一齊，點點鹽味係口裏面漫延，又唔算好咸，脆脆地，口感好好，脆卜卜地，好好咬，一食又係食唔停嘅小食刺身拼盤當然係主菜啦！但我都叫得唔算好多，有三文魚，帶子同埋玉子，樣樣新鮮，樣樣好味，三文魚顏色鮮艷，玉子一