影片
今晚一行7大1小朋友，准时7点半到场，入坐都算快速，服务态度普通，女侍应态度串串地，环境普通，坐得比较迫。食品种类一搬，正常大路野都有齐，刺身，烧物，炸物，热食，饮品都有，系寿司,甜品款少d。刺身新鲜，炸鸡亦都好正，仲送饱鱼海胆，电话订位有88折，埋单每人$234，食足2个钟，都算抵。 总结: 三五知己相聚倾计好去处，但如果著重食品的话就可以试下其他，因为食品真系一搬。
继续阅读
星期六傍晚，又系一家去街食饭的时候，本来打算去yoho mall食放题，但去到人山人海，于是立即转场去交通广场的瀛喜日本放题。(无错，系同yoho 的放题店争一个字)入到去见全场差不多爆满，我地都立即开始点野食。黑松露三文鱼寿司花之恋，芝士炸虾反卷，三文鱼加州卷。寿司同卷物都正常味道啦。火炙三文鱼寿司火炙左口鱼寿司，呢个应该系全晚最好味，入口即溶。刺身，第一次食放题只系点左一次刺身，仲要食唔哂，个质素可想而知。刺身虽然系第一时间点，但都等了比较耐才上。碗仔翅，好大煲。羊架，肉都几淋。蒜蓉烤带子，Size小但味道不错。串烧选择好少。天妇罗番薯几好食，encore了一次。炸物，唔好点炸芝士，好漏唔好食，榴梿炸弹和鸡翼跟外面食的差不多。牛肉寿喜锅。虽然价钱比起yoho 放题店平，但食物质素不高，选择亦都不多，饮品都只系得好选择，侍应收纸的速度算快，但仲有15分钟先last order已经不停比人催要不要加单，我话如果有就会起last order前比，个人就嬲爆走了。无下次👋🏻
继续阅读
十分新鲜刺身,第一次出时仲会有烟雾,见到已经想食,追加左几次,都觉得好味!分量唔算多,可以食多好多款,十分满意的放题,希望再去! 因为5:30食,二人同行,一半价!
继续阅读
今日入左元朗，肥妹女友话食放题讲左好耐，见呢间门口好似几多人排队，啲野食款式都几多，应该唔会伏得去边，上openrice睇过食评都唔错，既然系咁就梗系去马，好彩我地两个，等得都算快入座必食呢个扇贝，虽然细细粒但几好肉地，唔会过熟牛舌薄切，一啲都唔鞋口，小小辣，够香口刺身你写几多佢上几多，无呃秤，但前提系你食到几多先好点几多，我有肥妹女友先敢点双位数，佢食刺身真系劲过小林尊寿司饭唔会太大旧，因为总会有啲人唔食饭而去浪费旧饭，唔好做大嘥鬼啊呢个泰式凤爪小弟我非常欣赏，肥妹女友钟情喺佢嘅刺身，呢个凤爪酸甜恰当，好鬼开胃呢度野食太多，不能一一尽录，呢个价钱咁食法，肥妹尽兴而归！
继续阅读
一街都知道去元朗揾野食一定好头痛，唔系因为冇嘢食而头痛，而系太多嘢食都唔知食边样好。突然又想食放题，所以去咗哩间瀛喜日本料理。通常放题都做到啲枱摆放到好逼，因为多一两张枱既营业额都有分别。通道好阔，冇个种好似系街市行路嘅感觉，令人行入去食野都放松好多。佢同正常既放题一样有大约十张食物嘅落单纸比你写你想食嘅数量，而且每张都路会太少种类，一般既放题食肆都会有。交咗食物纸大约5分钟，刺身就已经上到枱面，上食物速度非常快，因为食放题除咗要食到饱为止，另一方面都要食肆上菜速度够快。首先刺身望落都几新鲜，三文鱼切得厚，食落啖啖肉。甜虾食落亦冇胶著既感觉，几清甜。Sushi天妇罗方面有新鲜感，因为佢会系个虾天富罗上面加小小紫菜碎，令到个天富罗更加好食，因为好多放题食肆都系就甘比天富罗同埋加个汁比你点嚟食。重有个蟹粥虽然摆左一阵先食，但系佢加左粟米落去煮，令到个粥好甜再加埋只蟹就岩岩好。饮品方面就正常既汽水例如可乐、七喜等等。侍应嘅礼貌亦好好，佢地唔会摆出个种想食快啲食完要你走个种感觉。
继续阅读