築地番本日式放題 (已結業)

一大班朋友約食生日飯，因為呢間既有放題，又有蒸氣鍋，又有象拔蚌食，所以黎試下。呢間放題都幾好生意，我地預約左7點，黎到都坐滿哂人，好彩一早book定位。入黎見到每枱都放左個蒸氣鍋，好得意，上面個蓋好似頂帽咁，我地第一次食蒸氣鍋，唔係好知點食法，所以都係點左d刺身食先。呢度嘅刺生唔錯，幾新鮮，三文魚、甜蝦、帶子、希靈魚、象拔蚌，好多刺身都好好食，我地叫左幾輪，每次嘅刺身都好新鮮。之後侍應幫我地開火煮起蒸氣鍋入面嘅粥先，因為要熱起個鍋要d時間，放左d蝦、帶子、牛肉片、雞蒸黎食，全程都係侍應幫我地蒸架，真係要讚下佢地嘅服務態度，d蝦同帶子幾好食，不過牛肉可能蒸得耐左，肉質冇咁嫩。蒸完所有野食之後，可以食埋裡面嘅粥，都係侍應幫我地整，粥熱辣辣，好有米香味，幾好食。呢間放題價錢唔貴，除左放題之外仲有蒸氣鍋食，係個唔錯嘅選擇，下次可以再黎食。