Hans Bar and Restaurant

营业中

休息中

鋪面設計有格調，浪漫燈光，Bar枱開揚，好有興趣入去坐下傾下計呀。呢度嘅signature cocktail 啲名好特別㗎，我地揀左2杯有趣嘅。Wagashi 紅豆係Hojicha 加vodka，一入口就係強烈嘅vodka味，之後嘅hojicha taste慢慢滲出黎，口腔入面有齊茶香酒味，好特別Tart-Too 蛋撻外表同蛋撻真係有幾分相似，上面嘅foam係creamy butter flavour, 飲落rum唔會太搶，飲落好順口。飲野就當然唔少得佐酒小食啦。松葉蟹肉柚子沙律主要材料係中華沙律，柚子汁特別開胃，蟹肉唔吝嗇，唔錯嘅開胃菜。日式前菜拼盤我好喜歡當中嘅燒雞泡魚乾，煙煙韌韌有咬口，但唔會太乾。燒明太子嘅鹹香，配合青瓜片，口感一流。酒盜芝士，酒盜係以魚內臟鹽漬而成，鹹香十足，配合香滑cream cheese一齊食，味道好夾，佐酒前菜簡直一流，感覺份量太少，食唔夠喉。厚燒牛舌牛舌夠厚實，唔需要好重嘅調味，只要少少鹽燒，牛嘅油脂香已經好突出，大力推薦。餐廳位於尖沙咀鬧市中，鬧中帶靜，絕對係放工chill下嘅好選擇。