EAT ME Bar & Restaurant (已結業)

今晚boss竟然話請我食飯！嚟到呢間旺角嘅樓上餐廳，環境氣氛都唔錯，播住流行曲仲有projector可以睇MV。如果唔係同boss黎應該會仲有feel嘅...我地叫左美式海鮮盤、威靈頓牛柳、白雪公主同oero朱古力美式海鮮盤好足料又豐富，有蝦、帶子、青口、魷魚，全部都好鮮甜。個底仲有沙律菜，啱哂我個(懶)健康boss。而我果份威靈頓牛柳賣相好吸引食落都好滿足！酥皮香、牛柳嫩，加上蘑菇多，口感豐富，正啊！杯白雪公主口感好新奇，望住佢不斷冒出嘅氣都感到好舒暢，就好似將我番工受過嘅氣一次過Er出黎！