幸福堂 (已結業)

今日公司傳出要大裁員，都真係收工搵野去甜下！約左同事一齊傾下呢個問題...後路要點行...落到旺角想搵個地方坐下...但都真係太多人...又話疫情唔出街...睇黎大家餓左好耐！行到去嘉樂呢邊，不如買杯幸福飲下！同事都讚成就排隊！佢要左杯 抹茶珍珠鮮奶，原來底下有草莓味珍珠，我叫佢俾左啖我飲，抹茶味夠濃，有啖啖的苦澀味，唔會令人討厭！而草莓珍珠口感好煙韌，有啖啖既士多啤味，好得意！而我梗係叫招牌啦！今日堅需要甜呀嘛！黑冬珍珠鮮奶，佢地既黑糖咁出阿，冇理由唔點！黑糖都真係女人既朋友，唔會甜到你拿喉，係順既，配鮮奶既味道剛好，唔會過甜！佢呢道既珍珠勁正！香港既珍珠我只鍾意兩間，佢係其一！正 ❤️