影片
更多
2017-09-29
829 浏览
觀塘區越來越多餐廳，而且大多數都隱身於工廈內，令到搵優質食肆嘅難度愈來愈高。不過最近友人就推介我一試位於成業街一間開業只有半年的懷舊 Café，說店子主打靚料西餐及日本菜，而且地方超大，入面有好多搞鬼嘅布置，吸引一眾「相機先食」的朋友。原來友人所講嘅就是最近大熱的食店「高興 Happinesssss」。餐廳雖然設於工廈內，但其實是間地舖。甫踏進店門，即被內裡裝潢吸引，地方偌大，樓底極高，空間感十足，而且格局悠閒。大堂中央擺放了多張原木桌椅，而右手邊就以昔日公屋情懷為設計主題，有鐵閘、百葉窗、屋邨委員會牌匾等，旁邊仲有個舞台表演區，非常特別。再細心留意，原來身後還有一個取名「妹妹理髮廳」嘅角落，牆身安裝咗昔日的古董電髮罩，打卡位真係多到數都數唔曬，用作影相一流！ 入座後拿起點餐牌細閱，首頁有「點餐 5 步曲」，原來餐廳採半自助形式經營，不設加一，落完單後，服務員會隨後將食物逐一送上。翻開 Menu，選項有小食、沙律、全日早餐、意大利麵、意大利燉飯、主食、日式咖喱、烏冬鍋及高興煎餅。而飲品方面就有咖啡、茶及巧克力、瑜茶舍、冰茶、梳打特飲、沙冰、冷壓果汁和有機梳打。食物方面，選了日式淡咖喱吉
觀塘區越來越多餐廳，而且大多數都隱身於工廈內，令到搵優質食肆嘅難度愈來愈高。不過最近友人就推介我一試位於成業街一間開業只有半年的懷舊 Café，說店子主打靚料西餐及日本菜，而且地方超大，入面有好多搞鬼嘅布置，吸引一眾「相機先食」的朋友。原來友人所講嘅就是最近大熱的食店「高興 Happinesssss」。
餐廳雖然設於工廈內，但其實是間地舖。甫踏進店門，即被內裡裝潢吸引，地方偌大，樓底極高，空間感十足，而且格局悠閒。大堂中央擺放了多張原木桌椅，而右手邊就以昔日公屋情懷為設計主題，有鐵閘、百葉窗、屋邨委員會牌匾等，旁邊仲有個舞台表演區，非常特別。再細心留意，原來身後還有一個取名「妹妹理髮廳」嘅角落，牆身安裝咗昔日的古董電髮罩，打卡位真係多到數都數唔曬，用作影相一流！
入座後拿起點餐牌細閱，首頁有「點餐 5 步曲」，原來餐廳採半自助形式經營，不設加一，落完單後，服務員會隨後將食物逐一送上。翻開 Menu，選項有小食、沙律、全日早餐、意大利麵、意大利燉飯、主食、日式咖喱、烏冬鍋及高興煎餅。而飲品方面就有咖啡、茶及巧克力、瑜茶舍、冰茶、梳打特飲、沙冰、冷壓果汁和有機梳打。
食物方面，選了日式淡咖喱吉列豬扒飯 ($66) 及地中海香草焗原條鱸魚各一客。吉列豬扒飯率先送上，分量不多，面頭豬扒被炸至金黃色，而且廚師非常細心，上桌前已將豬扒切成條狀，方便客人享用。立即挾起豬扒一試，香脆外皮把肉汁緊緊鎖住，令肉身保持軟稔入味，食落好 Juicy，再嘗一口咖喱汁，既香甜又不嗆喉，用來撈飯吃超正。
接著的地中海香草焗原條鱸魚 ($158)，原來是以鹽焗方法炮製。鱸魚用錫紙包裹，端上桌時以大量粗鹽原條蓋好，另附上小半個檸檬及一小兜放滿迷你車厘茄嘅醋汁。拍過照後，店員提議可拿回廚房，代為處理然後再送上檯，實在太好了！鱸魚再次上桌，魚皮已被去掉，揭開雪白的魚肉，魚肚內釀了香草作調味。叉起魚肉試試，肉質幼嫩，一點也不鹹，加上鱸魚與香草混合的天然香氣，食落非常滋味。由於鱸魚的分量不輕，所以兩個人 Share 也絕對夠飽。
飲品揀咗菠蘿香蕉牛奶沙冰 ($17/半價) 及雜莓乳酪沙冰 ($34)，原來點主食，選配任何飲品一律半價，早知就 Order 多一客主菜啦！不過自知胃納有限，還是留肚給甜品好了。前者沙冰用上牛奶及香蕉製成，頂頭飾以忌廉及菠蘿，入口香蕉味好突出，而且味道又不會過甜，果味清新怡人。而雜莓沙冰就以新鮮雜莓果蓉調製，飲落有鮮甜味，唔會似藥水，既滑溜又透心凉，推介愛好水果的朋友一試。
目標甜品當然是餐廳的名物 Pancake，「高興煎餅」一共有 6 款口味，揀咗檸檬酸忌廉楓糖 ($50)，Pancake 以一隻灰藍綑白邊圓碟盛著上桌，外形非常厚身，足有兩大片，碟邊放有檸檬和忌廉，另附一小杯楓糖漿。一刀切開，入面呈蛋糕的質地，造型筆挺，像厚身的熱香餅，咬下口感軟綿，連埋上面嘅檸檬再加忌廉同楓糖漿一齊食，甜而不膩。
雖然這晚所點的食物不多，但整體來說，質素不俗，唔單止價錢夠曬貼地，而且環境輕鬆自在。其實有時將自己抽離繁忙的步伐，好好享受一吓「高興」的時刻，亦未嘗不是一個好選擇。
张贴
