浦東蒲西 (裝修中)

放假想搵個地方食好少少，銅鑼灣利園呢邊一向多選擇。呢間裝修靚仔，有高級中菜的感覺。午市有散叫點心，或者有自選套餐。自選套餐 $368精選冷盤醉豬手彈牙爽口的豬手充滿醇香味。雞絲粉皮粉皮爽滑，配青瓜絲同雞絲口感豐富，麻醬調味清爽開胃。湯海参酸辣湯本身都鐘意飲酸辣湯，呢碗好足料，而且酸辣味並重，令人非常開胃。小菜砂鍋獅子頭獅子頭大大粒，啖啖肉，彈嫩又多汁，而且唔油膩，白菜同獅子頭一樣入晒味。糖醋金薯咕嚕肉咕嚕肉皮薄但脆，咬落彈牙，加埋美味金薯同菠蘿，夾糖醋汁酸甜味道平衡得幾好。雞煨麵湯頭清甜，麵有良好的掛湯能力，配雞肉同菜，簡單又好食，其實小菜都不一定只夾白飯。