影片
更多
2014-05-23
6015 浏览
有次喺網上睇到呢到辦團購~見佢地方好靚D食物相又咁精緻,成日心思思想一試~最後決定搵人孖我一齊分享~!!坐車黎到呢到~心中滿有期待!一黎係酒店出品,二來可算係高檔人住的地方~!!HA..經過一條喺海傍又好靚的挪亞長廊,終於黎到餐廳門口~未入門口已經見到大大廚喺到BBQ~~聞到陣陣惹味~!!入到去服務員總會先為大家安排近窗的位置,好令大家都可以見到美麗的大橋夜境坐好之後就拿拿聲出去圍繞大場一周~睇下有乜野美食~團購網話呢期主打海鮮同蠔,咁緊係搵呢D食啦~的確場內好多出品都係以海鮮同蠔做主打,每樣出品都好似打左折感覺樣樣味道都唔係好到位~海鮮冷盤~我最中意!凍蝦長腳蟹 東風螺 - 食落好鮮味凍蝦唔算好大隻,不過蝦頭有膏,長腳蟹夠新鮮~蟹肉唔會霉, 東風螺几大隻,但有D入面有沙~中西式蠔湯 - 中式比較入味老火湯~估唔到咁鮮~ 鮮蠔忌廉湯 - 好一般的忌廉湯~要找到好底先見有少少蚝肉沙律款式唔係好多~簡單的几款菜,勝在夠新鮮D菜夠爽,有霉葉,沙律汁款有5,6款~仲有醋同橄欖油~唔錯~仲有D東南亞另類沙律如魚干,炒冷面..好少見~!熱盤款式都唔錯~最中意係釀蟹蓋同咖哩海鮮包~仲有牛油蝦都樣樣都
成日心思思想一試~最後決定搵人孖我一齊分享~!!
坐車黎到呢到~心中滿有期待!一黎係酒店出品,二來可算係高檔人住的地方~!!HA..
經過一條喺海傍又好靚的挪亞長廊,終於黎到餐廳門口~
未入門口已經見到大大廚喺到BBQ~~聞到陣陣惹味~!!
入到去服務員總會先為大家安排近窗的位置,好令大家都可以見到美麗的大橋夜境
坐好之後就拿拿聲出去圍繞大場一周~睇下有乜野美食~
團購網話呢期主打海鮮同蠔,咁緊係搵呢D食啦~
的確場內好多出品都係以海鮮同蠔做主打,每樣出品都好似打左折
感覺樣樣味道都唔係好到位~
海鮮冷盤~我最中意!
凍蝦長腳蟹 東風螺 - 食落好鮮味凍蝦唔算好大隻,不過蝦頭有膏,長腳蟹夠新鮮~蟹肉唔會霉, 東風螺几大隻,但有D入面有沙~
中西式蠔湯 - 中式比較入味老火湯~估唔到咁鮮~ 鮮蠔忌廉湯 - 好一般的忌廉湯~要找到好底先見有少少蚝肉
沙律款式唔係好多~簡單的几款菜,勝在夠新鮮D菜夠爽,有霉葉,沙律汁款有5,6款~仲有醋同橄欖油~唔錯~仲有D東南亞另類沙律如魚干,炒冷面..好少見~!
熱盤款式都唔錯~最中意係釀蟹蓋同咖哩海鮮包~仲有牛油蝦都樣樣都好入味~水準之作~!
最不可不試既係出面的BBQ 檔~排晒隊~雖然唔係咁中意~不過都要排~!哈..
有燒生蚝同燒羊架~~夠惹味又夠火候,羊架唔會好羶,啖啖肉好正!
即炸生蚝同即做蚝餅~~最好佢係即炸~夠幹身,唔會炸左之後放左好耐~感覺肥膩!!
甜品系列
梳孚里位置長期排隊,唔想排冇得食又唔甘心~終於排到~熱騰騰梳孚里質感比較重,一般的甜,可能放糖重手左
意大利芝士餅 - 有酒味好啱小朋友口味,但係咁仲叫唔叫''意大利芝士餅''呢?!
紅酒啫喱 - 係要用刀切的啫喱,唔似提子味~又冇乜紅酒味~只係佢個牌係咁寫~!
最受歡迎係生果系列 - 夠新鮮冇雜質~西瓜同波蘿都好搶手~
其次就係雪糕~呢到D雪糕係用DREYERS~有6款咁多~真係超開心~點都要食返個6球大先得~!
飲品方面都係自助的~喺入門口位置有飲品區,汽水咖啡檸茶都可以喺呢到自己整
粉絲諗住整杯熱啡~點知發覺未開熱水機, D水一D都唔熱,最後同服務員講
服務員就入廚房幫粉絲即場炮製~哈~
期間服務員話我地因為係購,所以會每人送一杯紅白酒,我地就各叫一杯~
出品一般,算係易入口~我欣賞佢地的小心意~!
總括黎講..簡簡單單價廉物美~坐得又舒服! 這個價錢的話,先放下自己的要求及幻想,係個唔錯的KILL TIME 好地方~!
题外话/补充资料：
洗手間設備緊係要有啦~話晒都係酒店喎~雖然咁講,但水準就好一般,冇挪亞方舟的感覺~清潔度向算OK~空間比較細~~但唔似係酒店出品~!!
餐廳僱用左唔少90後的員工~每位比人感覺都好入世未深,滿面清純,熱情得黎又好粗心大意~ 感覺好似去左良心企業 ~多點包容,多D鼓勵....
(以上食记乃用户个人意见 , 并不代表OpenRice之观点。)
张贴
