影片
更多
2012-02-22
58 浏览
在信箱收到跑馬地新開高級中國菜 "壹玖捌叁" 的介紹, 主打懷舊菜色, 於是就訂位晚飯試下新店.此店門面相當堂皇, 尤其是晚上燈光通明, 雖然係樓上舖, 但從外面經過都會望一眼.店內裝修品味雅緻, 服務員個個都訓練有數, 面帶笑容, 非常到位. 食物賣相都幾精緻, 並將懷舊菜色加以改良.黃金炸蝦多士 (4件) $98 - 鋪滿芝麻, 新鮮香脆.京果陳醋咕嚕肉 $128 - 有創意, size 剛好一啖一件, 唔會整花口紅. 但可能為迎合現代人口味, 用比較廋嘅梅頭肉而唔係傳統嘅半肥瘦豬肉做此菜, 個汁亦唔係傳統嘅白醋茄汁而改用鎮江黑醋甜酸汁, 配料方面棄用菠蘿, 用乾果(葡萄乾, 紅梅乾), 相當醒胃, 好唔好食就見仁見智, 我就幾鍾意, 只是略嫌肉瘦不夠鬆化.豆酥原條桂花魚 $288 - 呢道菜盡顯廚師嘅刀功, 將條桂花魚起肉, 泡油, 再鋪上豆酥, 香口又惹味, 餸飯一流. 清炒豆苗 $128 - 碟頭比較細, 而且酒味過重.秘制擔擔麵 $48 - 是四川麻辣味, 好正~必食之選.巧克力蜂巢角 (4件) $48 - 其實即係芋角, 不過餡料唔係芋頭而係朱古力醬和脆脆威化, 都幾特
在信箱收到跑馬地新開高級中國菜 "壹玖捌叁" 的介紹, 主打懷舊菜色, 於是就訂位晚飯試下新店.
此店門面相當堂皇, 尤其是晚上燈光通明, 雖然係樓上舖, 但從外面經過都會望一眼.
店內裝修品味雅緻, 服務員個個都訓練有數, 面帶笑容, 非常到位.
食物賣相都幾精緻, 並將懷舊菜色加以改良.
黃金炸蝦多士 (4件) $98 - 鋪滿芝麻, 新鮮香脆.
京果陳醋咕嚕肉 $128 - 有創意, size 剛好一啖一件, 唔會整花口紅. 但可能為迎合現代人口味, 用比較廋嘅梅頭肉而唔係傳統嘅半肥瘦豬肉做此菜, 個汁亦唔係傳統嘅白醋茄汁而改用鎮江黑醋甜酸汁, 配料方面棄用菠蘿, 用乾果(葡萄乾, 紅梅乾), 相當醒胃, 好唔好食就見仁見智, 我就幾鍾意, 只是略嫌肉瘦不夠鬆化.
豆酥原條桂花魚 $288 - 呢道菜盡顯廚師嘅刀功, 將條桂花魚起肉, 泡油, 再鋪上豆酥, 香口又惹味, 餸飯一流.
清炒豆苗 $128 - 碟頭比較細, 而且酒味過重.
秘制擔擔麵 $48 - 是四川麻辣味, 好正~必食之選.
巧克力蜂巢角 (4件) $48 - 其實即係芋角, 不過餡料唔係芋頭而係朱古力醬和脆脆威化, 都幾特別.
张贴
