Golem Craft Beer (已結業)

係沙田真係成日都唔知食咩好！要搵個地方少啲人，坐得舒舒服服同朋友傾計，都唔容易！朋友話係呢頭返工見到有呢間酒吧嘅餐廳，佢話想試吓就同佢一齊試吓啦！入到去，環境寬敞，有輕鬆氣氛，最啱食飯傾計！啤酒雞皮脆肉嫩多肉汁，有少量薯容墊底，味道匹配，份量足夠兩人食！有大量手工啤同不同品牌味道既樽裝啤酒，店員用心講解味道，同埋會按人需要作出推介！洋蔥圈size又大又厚！雞鎚數量多，又香又脆口！總結：地點易搵方便，啤酒種類夠多，任君選擇！非常適合同朋友一齊嚟食飯傾計！