意堡

营业中

休息中

之前都試過嚟呢間小店買外賣返去食食物質素係唔錯 但係之前買過薯條返去淋曬所以今次決定喺店舖入面叫薯條食真係超！香！脆！如果大家黎一定要叫薯條試下仲可以同隻貓店長玩🤣🤣🔸香草雞扒漢堡加咗香草嘅雞扒好香 雞扒煎得好脆 食落甜甜地 雞肉好嫩滑🔸七味粉蒜香單骨雞翼因為係單骨雞翼，所以食嗰陣好方便，岩曬我呢類懶人 雞翼加左七味粉好正🔸黑松露醬配粗薯條薯條炸得好脆 今次終於試到新鮮熱辣辣嘅香脆薯條🥹🥹🫶🏻好感動🔸是日靚湯-南瓜湯南瓜湯一定要飲 熱辣辣飲最好飲🫶🏻好香濃 同埋好滑🍀總結原來貓店長豆豆會瞓晏覺，好彩臨走之前都仲見到佢🤣🤣大家如果上嚟探吓貓店長就早啲嚟啦 食物質素唔錯 價錢唔貴 支持小店