銀杏時光

今日同爸爸媽媽去吃下午茶

我一向都鍾意去一啲社企類型嘅餐廳
因為覺得佢哋都好有心經營
通常啲嘢食嘅水準都會高
服務又好
今次都唔例外

想講佢嗰個下午茶真係好抵

嗌咗三個餐

一個係炒麵
媽媽整咗少少辣醬落去食
本身我唔食辣嘅
但食落去都ok 啲味都幾夾

另一個係炆牛肉飯
本來我以為係好細
因為佢價錢好平
點知都係好大碟
抵到喊😲

1

仲有係炒飯
佢係炒到粒粒分明
好食

另外想讚下服務員
雖然佢哋已經係長者
但都係好努力工作
服務態度好好
一直食飯都同我哋傾計
我諗呢啲就係傳說中嘅人情味🥹

希望大家都可以多多支持佢哋❤️💖