😋 炭燒雞肉「胖」飯 ~ 呢個望落平平無奇嘅新菜式，食落十分有驚喜！個飯加咗麻油醬汁、脆蒜粒、香蔥，再配上肉質嫩滑嘅炭燒雞胸片，將全部野撈埋一齊，香氣撲鼻，擺一啖入口，麻油香、蒜香、蔥香全部都散發喺口入面，令到我不知不覺一啖又一啖，強烈推介！
😋 法式龍蝦汁溫泉蛋卡邦尼意粉 ~ 呢個係另一款新菜式，賣相已經好吸引，龍蝦汁好香濃，意粉咬落有口感，唔會過腍。溫泉蛋一撈開，蛋黃流晒出嚟，混埋成個醬汁變得好滑好 creamy，口感層次豐富，唔會太膩。
🍰「汐仔」摩卡筒 ~ 喺 Tiramisu 上面加咗個雪糕筒，入口有咖啡香、酒香同雪糕筒嘅口感，幾有創意，打卡一流！
🍰 伯爵茶慕絲蛋糕 ~ 微微嘅伯爵茶香，餅底少少鬆化唔會太硬，整體甜度適中，啱晒唔太嗜甜嘅朋友。
逢星期一至四有 +$1 甜品放題，唔係得一兩款，而係有成張 menu 任你揀，絕對啱晒甜品控！下次想搵個地方慢慢嘆餐飯，呢度絕對值得一試。
3
3
