燒夜食堂 (已結業)

呢間位於長沙灣嘅小店，個名叫「燒夜食堂」！播放住大家耳熟能詳嘅廣東歌，地方唔算就腳，做嘅係街坊生意，但係就帶出一份人情味小店嘅感覺。串燒最重要係夠熱，正因為小店夠細，可以做到好似日本嘅屋台咁一燒好就即刻送到你面前，保證熱辣辣。老闆自已一手一腳打理舖頭，每樣野食都即叫即做，就算有時招呼欠奉都真係值得原諒，全因為佢將所有心機都花係炮製美食上面，比個讚先👍 特別揀幾款我鍾意嘅同大家講下:◎ 稻庭烏冬 ($52/碗 + $18 火灸叉燒) - 第一眼望到佢真係嘩左出嚟，大大碗又好足料! 呢碗烏冬有好多嚿叉燒、糖心蛋、魚板、紫菜，大根...剩係湯底都有5款可以選擇，睇落似集百家之所長而成，但其實每樣配料都做得幾唔錯，烏冬又彈牙，啱哂餓底嘅朋友仔！◎ 川燒原條茄子($28/條) - 茄子燒得幾靚，軟身易起肉，川燒風味加蒜香真係好難令人抗拒！◎ 炸蟹肉忌廉餅($25/份) - 最鍾意呢個，炸到外層脆身，內層蟹肉忌廉幼滑，保持熱力十足又香噴噴，真係幾正！  ◎ 汁燒帆立貝串 ($30/串) - 一串三粒大大粒，群邊有咬口，帆立貝入口肉感豐富，醬汁又唔會太鹹！◎ 川燒韭菜($18/串) - 加上大量孜然