Espuma (H8) (已易手) 新餐厅

最鍾意high tea😝 影相又靚，又可以Hea一個下午，Espuma 又推出左新嘅下午茶tea set😍 梗係要去試吓啦~ $258兩位，有10款食物，兩杯飲品，價錢唔錯～ 黑松露雞粒伴約瑟布甸，口感香脆～ 牛油果蝦多士卷，香脆味道唔錯～ 冬瓜蘑菇蓉紅菜頭撻，組合特別～ 吉列蟹棒香脆可口，香脆蟹仔紫菜蛋糕，上面係鹹味的蟹仔，下午係甜的紫菜蛋糕，配搭特別～ 杏仁豆腐錦鋰，造型賣相唔錯～ 黃金蘋果金寶有別於一般蘋果金寶，加咗鹹蛋黃喺上面，亦係鹹甜兩味嘅配搭～ 鮮果雪糕漢堡，雪糕係朱古力味嘅，不過好快就開始滆，可能大家要食先～ 白朱古力整成骰仔嘅形狀，幾特別～ 葫蘆碟豆花鬆餅，味道新穎特別香脆蟹仔紫菜蛋糕味道好特別，隻蟹仔炸得好香脆～就係咁好輕鬆傾下計、食下野就過左2個鐘嚕～好relax嘅午茶時光。