爆丼屋 (已搬遷) 新店位置

呢日係同朋友聚餐 但我哋並冇預先訂位 所以喺旺角行咗差唔多半個鐘 最後先至決定揀佢 因為佢算係等得快大約等左10分鐘 到我哋嘅時候 侍應會要求我哋喺門口睇完Menu 決定好食咩先至會比我哋入去 雖然唔係幾贊同 但都理解嘅 畢竟夜晚時段又係處於旺角區終於成功入咗去之後 上菜速度算快 我就叫左一個北海豐盛丼 作為刺身 食材都足夠新鮮 除咗赤蝦 雖然佢夠大隻 但就係有少少腥味 我係百思不得其解 因為佢肉質並不靡 另外分量算好大份 作為一個女仔 好勉強先至食得晒 雖然佢睇落去細碗礙於外面群眾壓力 所以食完都好快走