Sick Burger (希雲街)

营业中

休息中

小店由馬鞍山開到嚟銅鑼灣都有一段時間，主打即叫即整漢堡包，款式唔多但每樣都充滿特色，店內唔大，綠色牆磚配上水泥灰牆壁，異常地match，開放式廚房，好有外國feel😛Sick! ELBT係呢度嘅招牌菜，漢堡包外脆內軟，放上燶邊太陽蛋，流出濃濃的嘅蛋黃汁，賣相吸引，打卡一流、安格斯牛鬆軟又juicy，牛味突出、仲有大大條香脆煙肉、番茄、生菜、紫洋蔥等配料，超級滿足，性價比高！Chicken Burger好大一塊，炸至外脆內嫩，啖啖肉，保留到肉汁，入面加咗涼拌椰菜絲、紫蘇葉檸檬皮、紅蔥頭、食落感覺十分refreshing，加埋滑蛋同蘑菇令到整體口感更加豐富🐔Fish Burger同樣有驚喜，以啤酒炸漿，外皮超級酥脆，而且好薄，有英國傳統小食feel，魚柳用咗銀鱈魚，無雪味，亦保持到水份，加入蛋黃醬同綠胡椒汁，感覺唔油膩，最後加點combo set，食埋菜絲沙津飲住汽水都幾過癮！