楚撚記大排檔 (馬頭圍道) (已搬遷) 新店位置

土瓜灣食神聚會，揀咗楚撚記，兼順道慶祝車人生日。本身我好鍾意食有鑊氣嘅餸菜，所以對呢餐都有好大期望。 三個人唔食得多，少少哋叫咗五個餸。先叫咗個小炒王， 都係將韮菜花，腰果，蝦乾等等炒埋一碟。 略嚴韭菜花老咗一點，鑊氣唔夠。跟住叫金銀蛋菠菜，不過冇菠菜，變咗勝瓜。勝瓜煮得好似好生咁，另外金銀蛋啲色水都有少少奇怪。黑松露肉餅，由於我好鍾意食肉餅，所以覺得呢味餸都好食。本來只係想叫椒鹽白飯魚，不過變咗金沙白飯魚。 鹹蛋味係好香，成碟餸即刻變得好邪惡， 係好食嘅。炸豬手，我都係覺得喺酒吧食嘅炸豬手好食啲。食到尾仲有番薯糖水送。總括嚟講，呢度嘅小炒比想像中遜息。不過呢度嘅服務又係ok嘅。