味房居食屋 (已結業)

响沙田市中心，想揾一間响食飯時間又唔洗等位又抵食嘅日本餐廳，真係好難。如果唔介意行遠D，呢間味房係一個好選擇。平日夜晚大約8點，計埋我地，呢間都係得3枱客。我地食到9點，淨返我地，好似包場咁。所以服務非常好，一對一服務，係一個待應對一個客喎。你手都唔使舉，眼色都唔使打，就有人幫你。嘢食又唔係貴到無人有，$300唔使一個鍋物套餐，有前菜，有刺身，有鍋物（有鹿兒島和牛），有飯，有麵豉湯，有飯後生果同甜品。日本菜+環境好+服務好+價錢唔貴+食物質素ok=性價比高囉。下次想食日本菜+食環境服務，而唔怕行遠少少，呢間不失為一個好選擇！