影片
更多
2012-09-06
160 浏览
早前去完「2012米芝蓮一星」位於北角城巿花園酒店嘅「粵」, 覺得好正, 就搵埋屋企人一齊去嘆吓一盅兩件...今次早一日打去Book位, 安排咗窗口位, 落地玻璃外面係一片翠綠嘅樹木景, 屋企人好欣賞...上次食咗5個廚師推介都幾正, 所以今次推介比屋企人試吓... 柚子脆蝦球 & 師傅炒香苗一定走唔甩啦, 咖哩魷魚 & 焗叉燒菠蘿包就人人都啱食... 不過亮點(2011年美食之最大賞點心組金獎)就唔Order啦, 單叫咗個海皇芝心芋角....焗叉燒菠蘿包 (廚師推介) -- 第2次食依然覺得叉燒餡少咗D...柚子脆蝦球 (廚師推介) -- 無人不讚, 連汁都清晒... 呵呵... 緊係啦, 我熱烈推介得嘅, 點會唔正呀!!!師傅炒香苗 (廚師推介) -- 都係無人不讚, 連一粒米都冇剩... 屋企人仲讚我係食家, 呵呵呵呵...XO醬煎腸粉 (廚師推介) -- 好味!!! 香+少少辣之餘, 仲一滴油都冇, 讚!!! 連配菜都清得一乾二淨!!!蜜汁明爐叉燒 (廚師推介) -- Honey話麻麻地... 緊係啦, 你拎佢同西苑比較... 我覺得都OK呀, 起碼Juicy又唔韌吖...生滾
今次早一日打去Book位, 安排咗窗口位, 落地玻璃外面係一片翠綠嘅樹木景, 屋企人好欣賞...
上次食咗5個廚師推介都幾正, 所以今次推介比屋企人試吓... 柚子脆蝦球 & 師傅炒香苗一定走唔甩啦, 咖哩魷魚 & 焗叉燒菠蘿包就人人都啱食... 不過亮點(2011年美食之最大賞點心組金獎)就唔Order啦, 單叫咗個海皇芝心芋角....
焗叉燒菠蘿包 (廚師推介) -- 第2次食依然覺得叉燒餡少咗D...
柚子脆蝦球 (廚師推介) -- 無人不讚, 連汁都清晒... 呵呵... 緊係啦, 我熱烈推介得嘅, 點會唔正呀!!!
師傅炒香苗 (廚師推介) -- 都係無人不讚, 連一粒米都冇剩... 屋企人仲讚我係食家, 呵呵呵呵...
XO醬煎腸粉 (廚師推介) -- 好味!!! 香+少少辣之餘, 仲一滴油都冇, 讚!!! 連配菜都清得一乾二淨!!!
蜜汁明爐叉燒 (廚師推介) -- Honey話麻麻地... 緊係啦, 你拎佢同西苑比較... 我覺得都OK呀, 起碼Juicy又唔韌吖...
生滾龍蝦粥 (廚師推介) -- 嘩!!! 真係有龍蝦肉呀, 仲有好多舊添呀... 粥煲得好甜好綿, 正!!!
咖哩魷魚 (廚師推介) -- 姨娚好鐘意食, 比佢清晒...海皇芝心芋角--亮點之中最實而不華嘅成員, 屋企人讚D芋頭好粉...
蠔皇叉燒包 -- 都幾OK...
陳皮牛肉球 -- 都幾OK...
食完兩輪, 傾一陣計, 影吓家庭照, Hea住唔肯走, 話晒酒店嘛, 食完即刻走會覺得好蝕... 已經唔再小朋友嘅小朋友提議食甜品...
奶皇煎堆仔 (廚師推介) -- 小朋友們話"好似金沙"... 哈哈哈... 又真係幾似嘅... 味道都係一般, 因為煎堆仔我唔識欣賞...淮山桂花糕 (廚師推介) -- 清香清甜嘅桂花味, 唔錯唔錯...
栗子茸西米焗布甸 -- 嘩!!! 好細碗啫!!! 仲要係用擺位果D普通嘅碗仔, 個賣相真係好唔得囉... 味道就中規中矩...
今日Service麻麻地, D高級黑衫唔見晒, 換o黎嘅係咩都聽唔明嘅阿嬸... 都唔知佢係聽唔明廣東話呀, 定係第一日返工... 7個人, 比得1壺茶, 個壺仲細到呢, 斟唔到4杯茶, 叫極都冇人加水, 真係好有衝動自己拎個壺去加水... 最後忍受唔住, 叫佢比多1壺茶都叫咗好耐先有...
雖然Service冇上次咁好, 但都比好多地方好... 加上今次張枱同個景好咗, 我都好滿意... 見大家都食得好開心, 我下次依然會繼續幫襯!!!
张贴
