影片
更多
2013-05-29
36 浏览
搵食隨緣，一向懶排隊，因為總覺得有啲嘥時間，所以跟好多長龍店無緣。有時緣份嘅嘢總會找上門，加上俗語有話，出外靠朋友嘛，結果造就依次初會嚟自九州福岡拉麵之都博多嘅一風堂，掹住食友嘅車邊，應公關及店家嘅邀請，率先品嚐兩款快將推出嘅限定拉麵。一風堂自2011年年中晌香港插旗，努力至今，在港現有5家分店，亦因此疏導咗好多食客嘅人潮，唔使再排成個鐘先有得食。一風堂秉承「堅守傳統．不斷創新」嘅宗旨，以及令食客試到日本唔同地方嘅拉麵，以往都曾出過唔少甚具特色嘅期間限定，例如：扎幌味噌拉麵、東京魚介豬骨拉麵…，而今次嘅限定款式，就喺德島拉麵及喜多方拉麵，驟聽名字，相信好多香港人都未曾聽過吧！是次嘅試食邀請就喺一風堂嘅新搞作「拉麵國通行證」活動嘅開始，為期6個月，分5個階段進行，因為日本拉麵按唔同地區都有自己獨特嘅口味，晌不同階段推出不同嘅口味，讓大家可以嘗試到唔同地區嘅地道拉麵。此外，新推出嘅手機App，有儲印花6送1優惠，又有抽獎，除時被抽中飛去日本食拉麵，諗起都有啲爽呀！不過小弟一向無抽獎命，所以，中獎機會留俾大家！Ippudo Colada $35先嚟一杯凍飲涼快一吓先，喜歡飲吓雞尾酒嘅朋友相信
一風堂自2011年年中晌香港插旗，努力至今，在港現有5家分店，亦因此疏導咗好多食客嘅人潮，唔使再排成個鐘先有得食。一風堂秉承「堅守傳統．不斷創新」嘅宗旨，以及令食客試到日本唔同地方嘅拉麵，以往都曾出過唔少甚具特色嘅期間限定，例如：扎幌味噌拉麵、東京魚介豬骨拉麵…，而今次嘅限定款式，就喺德島拉麵及喜多方拉麵，驟聽名字，相信好多香港人都未曾聽過吧！是次嘅試食邀請就喺一風堂嘅新搞作「拉麵國通行證」活動嘅開始，為期6個月，分5個階段進行，因為日本拉麵按唔同地區都有自己獨特嘅口味，晌不同階段推出不同嘅口味，讓大家可以嘗試到唔同地區嘅地道拉麵。此外，新推出嘅手機App，有儲印花6送1優惠，又有抽獎，除時被抽中飛去日本食拉麵，諗起都有啲爽呀！不過小弟一向無抽獎命，所以，中獎機會留俾大家！
Ippudo Colada $35先嚟一杯凍飲涼快一吓先，喜歡飲吓雞尾酒嘅朋友相信都知道咩喺Pina Colada，一款以菠蘿汁、椰汁同冧酒溝出嚟嘅雞尾酒，但眼前依杯高身純白色嘅飲品Ippudo Colada，喺店內無酒精雞尾酒（Mocktails）之一，跟Pina Colada只喺少咗酒精元素。小弟都愛飲菠蘿汁同椰汁，所以Ippudo Colada都幾啱口味，而椰子味較菠蘿突出。
喜多方拉麵 $88（推出日期待定）今晚先出場嘅喺喜多方拉麵，「喜多方」依個名都喺第一次聽到，頗為陌生，不過佢嘅所屬縣「福島縣」就較之為「出名」喇。其實都只喺小弟孤陋寡聞，喜多方其實喺有名嘅漆器、桐木工藝品之城，又喺倉庫之城（市內現仍保留著2,600多座倉房，但已被用作博物館、美術館、餐飲店之類），仲喺拉麵之城，市內拉麵店超過百家架。（資料來自日本國家旅遊局網頁）
拉麵未到，先有工藤智先生介紹吓喜多方拉麵嘅特色，湯底以香醇濃厚嘅豬骨湯加入魚乾、昆布熬製，屬混合湯底中頗具個性，並配以獨特罕有嘅扁平粗麵條，賣相嘅最大特色，則將叉燒切小件鋪陳成扇形，可以話喺喜多方拉麵嘅標誌。
當拉麵徐徐送上，真喺魚湯香氣挺濃香，不過，入口嗰份魚味又未有如想像中咁澎湃喎，都喺以豬骨味為主導，好隱隱約約先滲出魚香；此外，過鹹有違健康之道，鹹度減半亦不為過，尤其後段，有越食越鹹嘅情況。扁平且皺皺嘅麵條確喺甚少見，外形有少少似我哋廣東嘅粗麵，但就更加厚身，食落較為咬口，但又不失滑溜，爽彈程度個人就認為一般，不過已好有特色。配料包括半肥瘦日式叉燒、竹筍及半熟蛋，最精彩都喺半熟蛋，蛋黃凝漿，蛋味豐濃帶有漿口嘅感覺，不過叉燒及竹筍都唔失禮，前者鹵煮得鬆化（怕肥、怕膽固醇嘅大可咬走上截肥肉，不過就失去豚脂嘅甘香），後者就入口爽脆。是次試食嘅目的，就喺師博想聽取大家嘅意見，睇睇有咩需要改進，愧不敢當，不過湯頭減鹹實有必要囉！
梅子醋香草番茄間場依道小食實在嚟得合時，日本原產大蕃茄去皮原個上，咪睇佢成個好完整咁款，已經1開8喇。簡單以梅子醋、黑椒碎及香草稍作調和，酸香冰涼，爽呀！好有去除之前食拉麵濃膩嘅功效，加上蕃茄又好鮮甜，醒醒胃之後好迎接第二碗新款拉麵。
德島拉麵 $88（推出日期暫定於6月中）德島．從旅遊書見過依個名，「德島」本身亦喺縣名，德島縣較出名嘅名勝就喺鳴門漩渦，鳴門海峽嘅海潮晌大潮時可以出現直徑違20米嘅大旋渦，有時食拉麵見到啲日本魚蛋，白色底畫有粉紅色旋轉紋，正名叫鳴門卷，咪就喺緣自依個鳴門旋渦。
又到工藤智先生出場介紹，德島拉麵續以特濃秘製豬骨湯加上雞骨熬製，配以直身中幼麵，馥郁醇厚嘅湯底喺德島市地道獨有嘅濃郁風味。此外，以濃厚醬汁鹵煮豬腩肉，取代常見嘅叉燒，又加上產自日本嘅生雞蛋為佐料，都喺德島特麵嘅特點。
賣相就真喺因為隻生雞蛋顯得好特別，工藤先生特別提醒大家，先以普通食法就咁食麵，之後再將雞蛋打散撈勻啲麵同食，口感絕對有所不同，確實第一口嘅麵條很爽身，另外比喜多方嘅扁平粗麵亦較彈牙，而撈勻蛋漿嘅麵條口感就滑溜好多，又添咗份蛋香，譜出另一份滋味，況且睇樣就知金黃嘅雞蛋黃本身已經高質。湯頭很濃郁，以青蔥襯托，好醇香，而豬腩肉夠晒入味，又帶點甜，但稍為有啲韌啫。
真喺未試過一個人一次過食兩大碗拉麵，總算任務順利完成，食友打趣話估唔到小弟咁瘦原來咁「擦」得，一向瘦同食量都唔成正比架啦，哈哈！跟住食埋兩個甜品都唔喺問題呀！一風堂所賣嘅甜品唔多，一共3款：抹茶杏仁豆腐布甸、沖繩冬甩伴雪糕及特式雪糕球，揀選前兩者，因為較有特色。抹茶杏仁豆腐布甸 $28
杏仁豆腐布甸確實頗出色，杏仁味之香極之突出，質實做得挺身軟滑，最怕好削身嘅布甸。不過，個抹茶醬汁有點怪，水汪汪之餘，抹茶味又薄，比期望有好大落差。
沖繩冬甩伴雪糕 $33之前晌一啲專賣沖繩菜嘅食店已嚐過「沖繩冬甩」，所以大概都知喺乜。一風堂所做嘅沖繩冬甩體積頗大，外表炸得金黃閃爍，不過個冬甩心幾硬實吓，口感好麻麻；雲呢嗱雪糕球就嚟得慷慨，淋咗少少糖漿，雪糕又軟滑，變得比個冬甩更為主角。
晌個咁舒適嘅環境首嚐到兩款新拉麵，真喺滿足嘅一晚，再次多謝有關單位嘅款待，多謝工藤先生嘅詳盡介紹。
张贴
